Mendiko osterak: LLanes

Llanes herriko inguruak ezagutzeko ibilbide zirkularra. Pooko hondartzara gerturatu eta ondoren labarretatik LLanes herriraino eta hau ezagutzeko ibilbidea.

Ibilbidearen xehetasunak Wikilocen:

Ibilbideko bideoa:

Ibilbidea eta altimetria

Ibilbidea

Ibilbidea 3 D foratuak ikusgai:

Altimetria

LLanes herriko Mendebaldean aparkaleku handi bat dago.

Bertatik mendebaldera bideratuko gara eta karrika batzuen bukaeran bidetxo bat abiatuko den tokitik, asfaltoa utziko dugu.

Karrika bukatzean zelaietatik segi

Bidea soroen artetik

Tarte honetan soroen artetik Poo herrirantz bideratuko gara. Kantauri mendikatea aurrean dugularik.

Mendiak

Apurtxo bat aurrerago pista batetara aterako gara eta ezkerretik jarraituko dugu Poora iristeko.

Pistatik ezkerretara

Bidegurutze batetara iritsi eta oraingoan eskuinetik gora joko dugu, errepidea ekiditzeko.

Bidegurutzean eskuinetik

Maiatza soro batean

Segituan garaixe bat ikusiko dugu. Asturiaseko garaixe eder baten eredua, nahiz eta hau nahiko berria iruditu.

Graixe

Pista honetatik hondartzara daraman errepidera iritsiko gara. Eta bertatik hondartzara jaisteko aukera izango dugu.

Errepidetik hondartzara

Pooko hondartza kuriosoa da. Berez marea gorarekin hondartza urritu egiten da baina marea beheran toki asko dago ibiltzeko. Berez Vallina errekatxoaren bokaleko hondartza bat da. Olatuetatik babesturiko hondartza da, baina bokalera gerturatzean, itsasoaren indarra nabariagoa izaten da.

Pooko hondartza

Pooko hondartzaren bokala

Marea behera dugunez, errekatxotik gora joko dugu tarte batez.

Pooko hondartza

Panoramika Pooko hondartzan

Errekatxoaren goiko partera jotzeko aukera dago

Marea beherak agerian utzitako errekaren zatia

Berriz aparkalekura itzuli eta taberna dagoen tokira eskaileretatik igo ondoren, eskuinetik abiatzen den bidexka jarraituko dugu.

Pooko hondartza goitik ikusita

Bidetxo honek labarren ertzetik bokalera eramango gaitu, beraz toki ezberdinetan ikuspegi ederretaz gozatzeko aukera izango dugu.

Pooko bokala

Aurrerago aurreneko behatoki naturalera iritsiko gara, oraindik itsaso irekira iritsi aurretik dagoen batera.

Behatokian

Errekatxoa eta itsasoa bat egiten duten bokaleko puntua

Panoramika behatokitik

Almenada edo Pooko irla

Aurrerago jarriatuko dugu eta bertze behatoki natural batetara iritsiko gara, oraingoan bokalaren hasieran dagoenez, itsasora ematen duena eta bokalaz gain, inguruko irlak ikusteko aukera eskaintzen duena.

Labarra eta Almenada edo Pooko irla

Bokala eta irlak

Eskuin aldera begiratzerakoan Castro de Poo irlatxoak dauzkagu

Castro de Poo irlatxoak

Labarretik aurrera jarraituko dugu bidexkatik.

Behatokitik

Bideak labarren ertzetik apurtxo bat baztertuko da eta hesi bat gainditu beharko dugu. Berez, soroen arteko alanbrea da.

Hau gainditurik, berriz ere labarren ertzetik jarraituko dugu eta ikuspegiak arras politak izango dira. Labarrak soberan altuak ez izan arren, zenbait puntuetan estraplomatuak dira, eta itsasoko olatuak gogoz astindu egiten dituzte paretak.

Labarra eta Castro de Pooko irlatxo edo harrokak

Labarren goiko partetik, gerora ibili beharreko bidea ikusgai dugu. Zenbaitetan jaitsiera eta igoera tarteak dituelarik.

Aurrerago bertze hesi bat topatuko dugu, baina erraz igaroko gara bertze aldera bidearekin jarraitzeko.

Hesia gainditzen

Puntu honetan labarrean irekitako harroka zubitxo zabal bat dago eta beheko aldean itsasoaren urak barneraino sartzen direla entzuten da.

Harroka zubia

Gorago etxola batetara iritsiko gara.

Etxola

Eta geroago bertze hesi batetara iritsi eta gainditu beharko dugu.

Hesia

Labar eremu honetako puntu altu berri batetara jo beharko dugu.

Baita harrizko horma bat gainditu ere.

Harrizko hormatik

Eta azkeneko aldapari ekin, Jarri edo Dorreko tontortxora iristeko

Punta honetan dorre zahar baten aurriak daude. Egun dorrearen hormaren zatitxo bat bertzerik tente irauten ez baduen arren, oinean bere egitura somatu daiteke.

Dorrea

Bertatik LLanes herria ikusgai izango dugu.

Dorrea eta gibelean Llanes

Llaneseko labarra eta pasealekua

Puntatik jaitsi eta harrizko horma batetara iritsiko gara, baina badu igarotzeko tokia.

Harrizko horma

Dorrea

Aurrerago bertze dorre batetara iritsiko gara. Behatoki naturala eta defentsakoa.

Dorrearen barruko aldea

San Pedroko pasealeku-begiratokia, muino natural batean kokatua, Llanes hiribilduaren gainean dago, eta haren ikuspegi zehatza eskaintzen du, baita portuarena, Sablon hondartzarena, kostaldearena ekialderantz eta mendebalderantz, eta Cuera mendilerroarena ere.

Llanesko pasealekua eta labarra

Pasealekuan barneratuko gara. Gune atondua paseatzeko.

Panoramika pasealekutik

San Pedro pasealekua eroso eta zabala da eta oso ongi zainduta dago. Bertatik labarreko puntara arte iritsiko gara.

Pasealekutik Dorreko Punta

Panoramika San Pedro pasealekutik

Aurrera egin ahala, Llanes herriko ikuspegiak hobeagoak izango dira.

Llanes

Pasealekuaren bukaera aldera harrizko zubi batetara iritsiko gara. Oraingoan urbanizaturiko behatoki natural batetan integratuta.

Harrizko zubia

Handik paseoko puntan dagoen bertze defentsarako dorrea dago. Oraingoan zahar berritua eta ondorioz goaraino igotzeko aukera eskaintzen duena.

Dorrea

Punta de Guruñatik

Punta de Guruñatik Sablóneko hondartza eta herria eta portuko malekoia ikusgai.

Sablón hondartza

Eliza

Hondartzara jaisteko eskailera eta bide urbanizatua izango dugu.

Hondartzara jaisteko bidea

Eskaileretan

Panoramika Punta de Guruñatik

Hondartza

Gaur egun Llanes izenez ezagutzen dugun kokalekua oso zaharra da, eta Erdi Aroan, Alfontso IX.a Leonek emandako hiri-gutunaren aurretik, gune administratibo, militar eta erlijioso nabarmena zen, portu garrantzitsua eta tokiko nobleziaren presentzia nabarmena izateaz gain. Benetako pribilegio baldintza horiek balizko inbasioetatik defendatu eta babestu behar zen kokagune bihurtu zuten. Hori dela eta, hiri-esparrua erabat harresituta egon zen. Garai hartakoa da harresiaren iparraldeko oihala – Asturiasko handiena –, baita XIII. mendeko dorre sendo eta biribila ere, eraikuntza militar soila izan zena.

Eliza eta harresia

Aurrerago hiriaren harresira iritsiko gara. Puntu honetan nahiko ongi kontserbatu egiten den harresi-oihala dago.

Harresia

Erdi Aroko hiribildua da, Erdi Aroko harresiaren eta sarrerako ate zaharren aztarnari eusten diona. Harresiak Espainiako iparraldeko horma-atal garrantzitsuenetako bat du zutik.

Dorretxea; Juan Parienteren etxea - Llaneseko zaharrena - kale nagusian kokatua; Riverotarren jauregia edo Gastañagakoa; Posada Herrera jauregia edo Estradako Dukearen jauregi deigarria, barroko garaikoa eta tamaina handikoa, fatxada nagusian bi dorre karratu dituena, hirigune historiko honen mugarrietako batzuk dira.

Harresia

Beratik portura zuzenduko gara eta hara iritsi aurretik gotorlekuko eremua izango dugu.

Gotorlekuan

Gotorlekuko kanoiak

Handik portura jaitsiko gara. Bertan Agustin Ibarrolaren kuboak bisitatzerik dago.

Portua

Eszenatoki naturalak markatutako morfologia estua du portuak, eta Carrocéu ibaia itsasoratzen da bertan. Cuerako bere bista zoragarriengatik. San Pedroko begiratoki-paseoaren hurbiltasunetik.

XX. mendearen amaieran izan zituen handitze-lanek eszenatoki mota horretan ezohiko esku-hartze artistiko oso originalarekin amaitu zuten: Portuko harri-lubetan, Agustin Ibarrola artistak bere lanik ezagunenetako bat diseinatu eta gauzatu zuen, Memoriaren Kuboak izenekoa. Lan honen bidez, artistaren memoria, artearen memoria eta lurraldearen memoria ezagutuko dituzu.

Portua

Buelta eman eta bertan Reguera Carrocedok sortutako bokalean txalupak geldirik eta ikusgai izango dira.

Portua

Portuko karrikatik herrian barneratuko gara eta inguruko dorretxe batzuk ikusiko ditugu.

Dorretxea

Aurrerago oinezkoentzako zubi batetara iritsiko gara eta bertatik herriko bertze ertzera igaro ere.

Zubian

Eta aurrerago bertze zubi batetatik Llaneseko bertze aldera igaroko gara berriz ere eliza, baselizak eta bertako karriketan barne aritzeko.

Zubia

Karrika batzuetatik Magdalenako baselizara gerturatuko gara. Alde zaharra giro itzela du, turistas josita dago gaurko arratsaldean.

Magdalena baseliza

Llanesko Basilika, gotiko estilokoa eta XIII. mendean hasitakoa – horregatik ditu erromanikoaren berezko elementuak –, eta buganvilla ikusgarri bat du kanpoko hormetan, beste leku berezi horietako bat da. Honako hauek osatzen dute ibilbidea: Cercáu etxea; Magdalena kapera, izen bereko plazan kokatua eta XIII. mendekoa; eta Santa Ana plaza, Santa Ana kapera dagoen Hirigune Historikoaren plaza. Kapera hori harresiaren esparrutik kanpo zegoen, San Nikolas atearen ondoan, eta gaur egun Santa Ana da marinel lautaden zaindaria.