Mendiko osterak: apirila 2026

2026(e)ko apirilaren 12(a), igandea

Lizarragako mendadetik ibilbide zirkularra

Lizarragako mendatetik ibilbide zirkularra hainbat mendi tontorretatik. Tunelagaina, Saratsa Usabide, Aitzorrotz, Eskalaborro, Tontorraundi, Dorrokoteka eta Erlotxiki. 10 kilometro eta ia 500 metrotako desnibeleko ibilbide honetan zehar ikuspegi ederretaz gozatzeko aukera izango da.

Ibilbideko xehetasunak Wikilocen:

Ibilbideko bideoa:

Ibilbidea eta altimetria

Ibilbidea

Altimetria

Lizarragako mendatean kotxea utzi eta tuneleko eskuin alderantz joko dugu gaurkoan. Egun eguzkitsua suertatu da eta Andiako inguru honetara askoz ere jende guttiago gerturatzen da.

Lizarragako mendatean

Ezkerreko aparkalekuan kotxea utzi eta motxila prestatu ondoren igotzen hasiko gara.

Lizarragako mendateko bentak

Pistatik gora jarraituko dugu.

Informazio ohola

Gorago pista portlandezko zati bat dauka eta bertatik Artzubide Beorlegi lezera iritsiko gara.

Artzubide Beorlegi lezea

Artzubide Beorlegi leze

Pistatik igotzen jarraitu eta segituan ezker aldera bideratuko gara amildegira gerturatzeko eta bertatik Tunelagaina mendira igotzeko.

Amildegira gerturatzean

Beriain

Mendi erpina jarraituz eta haitzen gainetik tontorrera iritsiko gara.

Andia eta Sakana

Tunelagaina

Azken igoera harrien artetik burutuko dugu.

Tunelagaina

Tunelagaina tontorretik gerora burutuko ditugun tontorrak ikusiko dira.

Andiko tontorrak

Tunelagaina

Tontorretik jaitsi eta mendi erpinetik aurrera jarraituko dugu.

Tunelagaina

Belarditik aurrera segi eta gune berezi batetara iritsiko gara. Usedeko koba edo haitz zubira.

Andiatik

Haitz zubi ederra ikusgai izango da bertan.

Usedeko koba

Usedeko arkupea

Apurtxo bat aurrerago bertze tontortxo batetatik igaroko gara.

Tontortxoa

Saratsa Usabide mendi tontorrera gerturatuko gara.

Saratsa Usabide

Mendi erpinetik edo amildegitik gertu jarraituko dugu.

Saratsa Usabidetik

Loreak

Saratsa Usabidera erraz igoko gara.

Saratsa Usabide

Tontor honetatik aurrera jarraituko dugu bertze tontortxo baten batetatik igaroz.

Berian

Amildegitik joatean, aukerak izaten dira saiak ikusteko.

Saia

Otsaila izan arren, azken eurien ostean eta eguzki apur batekin hainbat lore ikusgai izango ditugu.

Bertze tontor batetara igo eta aurrera jarraituko dugu.

Tontorra

Burunda sakonunea, Berian eta Leziza eta Andiako alde honetako tontorrak inguraturik, haran ederra da bertatik ikusita.

Andia

Tontorra

Tontorretik jaisten

Harri kastikoan sorturiko zuloa

Beriain

Erpinetik aurrera segi.

Erpinean

Aldiro tontor ezberdinak ikusgai eta bidea erakusten digutenah.

Tontorra

Tarte honetan saien kabi inguru bat topatuko dugu eta argazki batzuk egiteko aukera izango dugu.

Saia

Saiak

Saia

Eremua ikusgarria eta liraina da benetan.

Beriain

Mendi erpinetik

Sarasa urmael ingurura gerturatzean belardi eremu zabalago batetatik jarraituko dugu aurrera Aitzorrotz mendira gerturatzeko.

Zuhaitza

Hesiaren paretik jarraituz, Aitzorrotz mendira gerturatzen joango gara,

Aitzorrotz

Sarasako urmaela

Aitzorrotz

Aitzorrotz mendia izen egokia du. Eta Burundatik ikustean zer erranik ez. Alde honetan haitzera gerturatzeko aukera izango dugu eta azken zatitxoa harrietatik burutuko dugu.

Aitzorrotz

Hesia gainditu beharko da tontorrera iristeko.

Hesia

Aitzorrotz

Eskalaborro Aitzorrotzetik

Aitzorrotz

Poliki poliki alde honetako gaurko azken tontorrera gerturatuko gara. Bertan artzantzaren eredu bitxiak bisitatzera.

Eskalaborro

Eskalaborro mendiko mendi lepotxo batetara iritsi eta kontuz, Ipar aldera jaisteko aukera izango da. Bertan aterpe natural ederra dago tontorreko haitzaren azpian.

Mendilepoan

Eskalaborroko ipar aterpea

Animaliak ekaitzak direnean babesgune natural ederra da hau. Egun, aziendak erabiltzen duela agerikoa da. Inguru honetan buruturiko behaketetan aztarna historikoak aurkitu izan dira ere.