Iruña - Aranguren - Diablozulo - Iruña BTT

 Bizikletaz buruturiko ibilbide zirkularra aurkeztuko dut sarrera honetan. Iruñatik irten eta Arga pasealekutik Mendillorriraino, handik Badostain herrrira gerturatuz eta Aranguren haraneko pista batzuetatik Labiano herrira iritsiz. Labianotik Tajonar mendi-zerrara igo eta Elo aldera jaitsi, Diablozulo ur-jauzi eta kainoia bisitatzeko. Itzulera Elo haranetik Noain arte eta handik Tajonar herrira, ondoren Iruñara bueltatzeko.

Ibilbidearen xehetasunak Wikilocen:

Powered by Wikiloc

Ibilbidea 50 kilometrokoa eta Tajonarreko mendi-zerrara igotzean aldapatxo batzuk dituena. 760 metrotik gorako desnibelduna. 

Ibilbidea eta altimetria

Ibilbidea 3 D  ESTEKA HONETAN

Donibane auzotik irten eta Biurdana parkerako bidea hartuko dut.

Han Plazaolako bidea jarraituz, tuneletik igaro

eta Argaren gaineko zubia gaindituta, eskuinetik pasealekutik segi.

Aranzadiko zubira iritsi eta honetatik Arga ibaiko bertze ertzera pasako naiz.

Eta handik Labrit aldaparen hasierara, errepidea zeharkatu eta

Madalenako zubi zaharraren gainetik bertze ertzera eta eskuinetik jarraituz.

Pasealekutik ondorengo zubira iritsi arte, hots, Burlatako zubi zaharrera.

Bertatik Argaren bertze ertzera igaro eta eskuinetik Mendillorriko bidegorria segi.

Bidegorriak Sarrigurenerako errepidera eramango nau. 

Hau zeharkatu eta errotondara arte errepidez egin, eta eskuinetik ingurabidera igotzen den aldaparen hasiran, eskuinean dagoen pistara atera.

Pista bukatzean zuhaitzen artetik senda bat jarraituko dugu, ingurabidearen paretik.

Handik Mendillorri goiko aldeko errepidera iritsi eta ezkerretik Badostaineko errepidea jarraitu beharko da.

Ingurabidearen zubiaren ostean, Badostainerako errepidea zuzen segi.

Badostain herrira iritsiko naiz errepidea jarraituz.

Herriaren sarbidean eskuin aldera bidegurutze bat topatuko dut, handik jarraitu herri zaharrera iritsi gabe.

Errepidea pista batean bilakatuko da eta aldapan gora hasi eta segituan ezkerretarako pista hartu beharko da.

Pista zuzen jarraitu 

Pista estutuko da eta aldapan behera egin, borda zahar baten aldamenetik igaroz, bidegurutze batetara iritsi arte. Bidegurutzean, eskuinera doan pistatik abiatu.

Bihurgune batean zutoin bat izango da. Eskuinetik jarraitu.

Eta Honela Labiano herriko baratzetara iritsiko naiz. Bidegurutze honetan ezkerretik segi herrira iristeko. Herrira igotzeko aldapari aurre egin eta karrika nagusitik errepidera hurbilduko naiz.

Harraska eta iturria dagoenez, ura edateko une egokia da.

Errepidera atera eta hau zeharkatu eta zuzen dagoen pista hartuko dut. Aukeran da frontoira jotzea eta bere aldamenetik, ezkerretik gora doan pista segitzea.

Metro gutxi barru, ezkerreko pistara igaro eta handik igotzen segi.

Bertatik mendi lerroko mendi-lepora iritsiko naiz, azken aldapa egin eta gero, berriz pista zabalagora ateraz.

Mendi-lepoan zutoin bat dago. Ibilbidea jarraitzeko zutoinera gerturatu eta ereindutako soroa, eskuinaldetik inguratzen duen pistatik zuzen segi.

Soroaren bukaeran zuzen abiatzen den pista segi.

Aldapan behera egin ondoren eta Andriziainera iritsi aurretik urmaeltxo bat topatuko dut. Eskuinetik inguratzen duen pistatik herri txiki honetara gerturatu eta bertan ezkerretik beherantz doan pista segi.

Jaitsieran iturri eskultoriko hau ikusgai dago.

Azkenik Elortz herrira iritsi eta elizara gerturatuko naiz. 

Baina berriz bidegurutzera bueltatu eta zuzenean Anbera bidetik jarraitu. 

Herritik irten aurretik iturri zaharra eta parke bat dago.

Anbera bidetik Urrozera daraman errepideraino iritsiko naiz. Bertan eskuinetik beherantz autobidearen azpitik dagoen tunelera bideratu.

Bertze aldeko errotondara iritsi eta ezkerretik Elorako errepide zaharretik segi.

Eskuinetik abiatzen den aurreneko pista honetatik errepidea utzi beharko da Elortz ibaira hurbiltzeko.

Elortz ibaia zubitxo batetatik gainditu eta pistatik zuzen jarraitu.

Diablozulora hurbiltzerakoan troka ikusgai da.

Diablozulo errekatxora iritsi eta hau gainditurik, ezkerretik zuhaitzen paretik gora jarraituko dugu trokaren amaierara iristeko.

Bertan Diblozuloko ur-jauzia ikusgai. Urte gehienean urik gabe edo idorra doa, baina euria egiten duenean edo zenbait urtaroetan ur-jauzi ederra ikusgai da puntu honetan. Hauxe da Jesua trokako jaitsieraren amaiera.

Berriz pistara irten eta ezkerretik aldapan gora jarraitu beharko da. Puntu honetan eskailera batzuk topatuko ditugularik eta

ondoren zurezko zubi bat. Oraingoan ere ez da urik jaisten.

Bidea jarraitu eta

Yarnoz herrira iritsiko gara. Bertan eliza eta dorretxea bisitatzeko aukera izango da.

Eta errepidetik jaitsi bidegurutze honetara. Han eskuinetik autobidearen aldameneko errotondara iristeko. Oraingoan tuneletik igaro ordez, errotondatik ezker aldera doan errepide zaharretik jarraitu beharko da.

Elortz herrira gerturatu baina oraingoan autobidearen azpitik igaro eta gero, ezkerreko pistara pasa. Eta autobidearen paretik, Noain ingurura iritsiko naiz.

Noainetik Tajonar herrira gerturatu eta handik Mutiloako poligonora eta ondoren Sadar ibaira jaitsi eta Zaragoza etorbidera. 

Azkenik Donibanera itzultzeko ingurabidearen bidegorria hartuko dut.