Nacientes de Marcos y Cordero

Ibilbide ederra La Palmako laurisilba ingurunea ezagutzeko. Nacientes de Marcos y Cordero, Caldera de Taburienteko ipar ekialdean sortzen diren ur emari bi ditugu. Kontutan izanik irlaren erliebea nolakoa den, bi zati nabarmen bereiziko dira txango honetan. Aurrenekoa Casa del Montetik abiaturik, ubide baten paretik ibiliko gara eta aurrera egin ahal izateko hainbat tunel gainditu beharko ditugu. Ondoren ur sorrera bietara gerturatuko gara eta bisita egin ondoren troka itzel batetik jaisten hasiko gara. Bertako landaredia oparoa eta berezia da. Azkenik behatoki baten bisita ostean Los Tilosera iritsiko gara.

Ibilbidea lineala da eta horregatik gomendagarria da taxi zerbitzua erabiltzea. Los Tilosen ibilgailua utzi eta taxiak, pista estu eta malkartsu batetatik Casa del Montera eramango gaitu, hantxe ibilbidea hasteko. La Palmako irlan burutu daitekeen ibilbide interesgarrienen artean sailkatu daiteke gaurko txangoa.

Ibilbidearen xehetasunak Wikilocen

Powered by Wikiloc

Ibilbideko bideoa:

Ibilbidea eta altimetria

Casa del Montetik Los Tilos arte

Txangoaren altimetria

Taxiak Los Tiloseko areatik La Casa del Monte arte igoko gaitu. Gomendagarria izaten da aldez aurretik taxia hitzartzea, bertzela, daten arabera ez dago taxi librerik edo eta bete arte ezin atera. Prezio finkoa izaten dute eta hobeto da betetzen bada.

Ibilbidearen hasierako informazio oholak

Taxiak itzulia emateko tokia

Taxitik atera eta motxilak jantzirik ibilbidea hasteko prest egongo gara. 

Ibilbidea eskuinetik ubidearen paretik doa

Ibilbidearen informazioa irakurtzen duten bitartean, bertze batzuk Casa del Monte aterperaino gerturatuko gara.

Informazio ohola

Casa del Monte

Hasieratik landaredia oparoa izango da eta bereziki pinuen artean ibiliko gara, alde batera ubidea eta bertzera amildegia dugularik.

Pinuak nagusi

baina zuhaitz eta zuhaizka mordo topatuko ditugu

Nozean behin amildegiko bertze aldeko hormak ikusgai izango dira.

Arestian aipatu bezala, ibilbidean zenbait tunel zeharkatu beharko ditugu eta ez dute argirik, horregatik frontala eramatea ezin bertzekoa da eta ez hori bakarrik, eurirako anoraka ere guztiz gomendagarria da, bereziki hamaikagarren tunela zeharkatzeko.

Aurreneko tunelean sartu aurretik argiak prestatzen

Tunel asko eta estuak izango ditugu aurretik

Luzera ezberdinetako tunela, 13 metrotatik ehundaka metrotakoetara

Tunelak ez dira oso garaiak beraz tentzu ibili buruarekin

Bigarren tunelean

Zati askotan makurturik joan beharra dago

Tunelen arteko tarteetan landaredia eta amildegiak ikusteko aukera izaten da.

Bertze tunela

Zenbait tuneletan ubidearen gainetik jotzerik dago, baina ez guztietan

Tunel luzeenetariko baten sarrera

Ubidearen aldameneko bide estua, maiz urez beterik ageriko da

Bertze tunel batetan sartuko gara

Tuneletik irtetean

Inguruko paisaia

Bertze tunel batean sartu aurretik

113 metrotako tunela oraingoan

Tunelaren erdian dagoen amildegirako irteera bat

Tuneletik irtetean

6. tunela laburragoa da

Zazpigarren tunela

Atsedenaldia tunelaren barruan

Zortzigarrenera

Bertze bat

Bederatzigarrenetik irtetean

Inguruneko hormak

Tanquilla

Paretak tanquillatik

Nacientes de Marcos tanquillatik

Bertze tunela

Hamaikagarrena

Tunelaren erdian

Nacientes de Marcos eta bere paretak

Nacientes de Marcos

Hamabigarrena, luzeenetarikoa eta hezeena

Lainoaz inguraturik hamabigarren tunelean sartuko gara. Hauxe da luzeenetarikoa eta bereziki hezeena. Estua eta hainbat puntuetan ur-jauziak dauzka. Lurra buztita eta goitik euria egingo balu dirudi.

Tunel hezeenean sartzerakoan

Tuneletik irten eta nacientesera iritsiko gara

Naciente de Marcos

ur-sorburua

Corderoseko ur jarioa

Nacientesera iristerakoan aldapa eder bati aurre egin beharko diogu. Trokaren buruan gaude eta bertako hormak itzelak dira.

Aldapa igotzeko tentuz ibili

Bidearen zati honetan kontuz ibili

Naciente de Marcose ur jauziak

Aldapa malkartsuaren ondoren, berriz ere bertze ubide bat dagoen tokira iritsiko gara. Bertan toki laua topatuko dugu eta une ederra izango dugu hamaiketakoa hartzeko.

Hamaiketako hartzen

Bidea, berriz ere ubidetxo honen paretik jarraituko du, azken aurreko tunelera iristeko.

Hamairugarren tunela

Tunel honetatik atera eta Nacientes de Corderosera iritsiko gara. Hau ere horma itzel batzuen artean jaio egiten da.

Nacidente de Cordero

Naciente de Cordero

Naciente de Cordero

Naciente de Cordero

Nacientes de Corderos, horman berean dago. Ur jaio bisitatu ondoren, metro batzuk atzera jo eta troka aldera jaisten den bidetik jarraitu beharko dugu.

Tokarako jaitsieraren hasiera

Hemen hasiko da txangoko bigarren zatia. Aurrekoarekin zerikusi gehiegi ez duena. Aldapa ederrak izango ditugu eta bereziki troka estu eta pareta ederren artetik eramango gaituena. Oihan tropikal edo ekuatorial batean murgiltzen garela itzura ematen du.

Trokara jaisten

Trokaren hondoa harriz beterik dago

Hasierako tartean bidexka txiki batek trokara eramango gaitu

Landaredia oparoagoa

Puntu batzuetan harri handien artetik jaitsi beharra dago

troka estu batean arroila antzekoa

Iratxo erraldoiak

Azkenean trokatik aterako gara eta bertze aldera zubitxo baten bitartez igaroko gara.

Zubia

Oraingoan bertze magaletik jarraituko dugu.

Behatoki batetara iritsiko gara nahiz eta gaurkoan gutxi ikusterik izan

Ezkerreko magaletik jarraitzen duen bidea oso polita da. Oraingoan troka amildegiaren beherko partean utzi dugu.

Azkenean berriz ere trokarantz gerturatuko gara eta bertze zubi baten bitartez, trokaren eskuineko magalera igaroko gara. Aldapatxo txiki bat eta pista batetara ateraz.

Zubia

Troka

Pistara atera aurretik informazio ohol bat izango dugu.

Pistara ateratzerakoan

Hemendik aurrera bideak ez du inolako zailtasunik izango. Pista zabala da eta beherat egin ahala hobeagoa.

Puntu honetan Mirador del Espigón Atravesadora igotzeko aukera da. Trokaren erdian ageri den haitz handi baten gainera eramaten gaituena.

Mirador del Espigón Atravesadotik

Mirador del Espigón Atravesadotik

Mirador del Espigón Atravesado

Mirador del Espigón Atravesado

Bertako txoriak jendearen presentziara oso ohitutak omen daude. Jatekoa eskuan jarri eta guregana gerturatu egiten bai dira.

Beherat joan ahala zuhaitz handien artetik ibiliko gara.

Puntu honetan lubaki ederra sortu dute pista egiteko

Beheko partean azkeneko tunela izango dugu. Zuzena denez ez ditugu linternak atera beharko.

Ibilbide eder honi amaiera emateko unea iritsi da. Deskantsua eta indarrak berritzeko garagardo batzuk edateko tenorea dugu.