Mendiko osterak: Baraibar - Irumugarrieta, mendi tontorretatik zirkularra

2023(e)ko apirilaren 15(a), larunbata

Baraibar - Irumugarrieta, mendi tontorretatik zirkularra

Baraibarretik antenetan inguruan hasitako ibilbide zirkular ederra aurkeztuko dut sarrera honetan. Bertatik Irumugarrieta mendira arte bide arteko tontor guztiak bisitatuz, hots, Maioetako Ekiladetako tontorrak ezagutzeko aukera eskainiko digun bidea. Basoa, artzaien eremua, etxolak, dolinak, tontorrak eta bueltan zelaiak bisitatuko ditugu. 20 kilometro inguru eta 1.200 metroko desnibel goitiko bidea izango da.

Ibilbidearen xehetasunak Wikilocen:

Ibilbideko bideoa:

Baraibarretik pista jarraitu eta antenak dauden tontorrera gerturatuko naiz, pistako bazter batean kotxea uzteko eta bertatik ibilbide zirkularrari hasiera emateko.

Ibilbidea

Ibilbidea 3 D formatuan ikusgai:

Txangoko altimetria

Goizeko aurren argiekin abiatuko naiz, ibilbidea luzetxoa delako eta eguna nabarmen laburtu bai da. Motxila prestatu eta bideari ekingo diot.

Egunsentia

Pistatik gora joko dut zelaietara iristeko. Eguna fresko dago baina aurretik dudan txangoa polita da eta tarte luzeak basoen gainetik izango direnez eguzki izpiak probesteko aukera izango dut.

Pistatik gora jarraitu

Zelaietara iritsi eta antenetara igo ordez, ezkerreko pistatik beherantz segi. Segituan borda baten aldamenetik igarotzeko. Dendarieneren bordatik hain zuzen ere.

Ezkerretik zelaietara

Pistatik aurrera jarraitu eta basoan murgilduko naiz. Bidea erosoa da eta kordaletik gertu ibiliko gara altuera gehiegi ez galtzeko. Apur bat aurrerago bidegurutze batetara iritsiko naiz eta eskuinetik gora jarraitu beharko da.

Handik metro gutxi batzutara zutoin bat topatuko dut eta handik ehiztarien etxola batetarantz bideratu beharra dago.

Zutoina

Etxolara iritsi eta mendi erpin alderantz gora jarraitu beharko da, poliki poliki altuera irabazten joateko.

Etxola

Basotik igotzen jarraitu beharko da, bidea oso nabarmena ez den arren, mendi-ertzetik jarraituz.

Lainoak Arribe Ataiuren gainetan

Borda zahar baten aurrietara iritsiko naiz, bertako artzantzaren garrantziaren lekuko. Halako aunitz topatzerik izango da Aralarren barna.

Bordaren aurriak

Hesi bat dago, udalerri ezberdinak bereizten dituena eta hauxe erreferentzia izanik gora jarraitu beharko da.

Hesia

Behe lainoak haranetan

Artaldea Arriolatzeko maldetan

Mendi ertzetik gora jarraitu beharko da. Bertatik Uarrain eta Zubizelaigaiña mendiak ikusten dira. Aurreneko tontorra burutu ondoren ezagutuko ditudanak.

Uarrain eta Zubizelaigaiña

Saia

Bertze aldera begiratuta, Artxueta ageriko da.

Artxueta

Tontortxo batetara iritsiko naiz. Bidea ez da argia baina ez dago eragozpen gehiegirik aurrera egiteko.

Tontortxo bat

Apur bat aurrerago leze batetara iritsiko naiz. Paisai karstiko honetan handiagoak edo txikiagoak topatzen ohi dira.

Lezea

Aurrera jarraitu eta mendi lepo batetara aterako naiz. Bertan ataka bat dago bertze aldera igarotzeko eta mugarri eder bat ere

Mendi-lepoa

Hesiaren bertze aldera igaro eta segituan Arriolatz tontorrera iritsiko naiz.

Mugarria eta Arriolatz

Arriolatz tontorretik ikuspegi zabalagoak izango dira, basoaren goitik dagoelako.

Arriolatzetik Uarrain

Panoramika Arrioltzetik

Arriolatzetik lehenago bisitaturiko tontorra

Tontorrarren bertze aldetik jaisten hasiko naiz, bi mendien arteko harantxora iristeko.

Arriolatz

Jaitsiera malkartsua izan arren, belarretik bidea topatzeko zailtasunik ez da izango.

Uarrain

Uarrain mendiko goiko partea harriz osaturik dagoenez, arraikailuekin tentuz ibili beharko da.

Uarrain mendiko azken aldapa

Tutturre Uarrainetik

Uarrainetik Zubizelaigaiñera bideratuko naiz ondoren. Bideak ez du galerarik eta erosoa izango da.

Zubizelaigaiña

Panoramika Uarrainetik

Lasaitasunez iritsiko naiz Zubizelaigaiñera. Oraingoan Maioetako amildegitik gertuago izanik, Balerdi mendia ikusteko aukera izango da.

Zubizelaigaiña

Balerdi eta Maioen azpian lainoak

Alborta eta Tutturre

Zelaietatik beherantz jarraitu beharko dut Alborta mendira gerturatzeko.

Maioak

Behe lainoa harana eztaltzen du

Alborta mendiko mendi erpinera iristean gurutze bat aurkituko dut. Bertatik ezkerretik tontorrera jarraitu beharko da.

Alborta eta gurutzea

Alborta mendiko tontorra

Alborta mendira iritsi eta bertan buzoia aurkituko dut.

Alborta mendiko buzoia

Tutturre Albortatik

Albortatik Uarrain eta Subizelaigaiña

Albortatik jaitsi eta Tutturre mendiko maldan gora jarraitu beharko da. Azkenik Tutturre mendiko gailurrera iritsiko naiz. Tontor malkartsua eta ez soberan handia, baina horrek ikuspegi ederrak eskaintzen dizkio mendi honi.

Tutturre

Tutturre mendiko buzoiak

Tutturretik Beloki, Artxueta eta Beriain mendiak

Irumugarrieta Tutturretik

Tuturre mendiko bertze magaletik, estrato batek sorturiko bidetik jaitsiko naiz.

Tutturretik jaisten

Tutturreren bertze magala

Basotik jarraitu beharko da, bidea estu eta ez soberan argietatik Pallardi mendira gerturatzeko.

Azkenik Pallardi mendiko tontorrera iritsiko naiz. Bertatik ere ikuspegi zabalak daude eta aurrerago igo beharko diren tontor ezberdinak ikusten dira.

Pallardi mendia

Pallarditik Maioak

Palarditik Itturtxuloko Punta

Pallardi mendiko bertze magaletik aldapa eder batetatik jaitsi beharko dut bertze tontor batetara hurbiltzeko.

Itturtxuloko Punta

Igoera soberan argia ez bada, tontorrera iristea ez zait gehiegi kostatuko.

Itturtxuloko Puntatik Mendiaundi eta Kurutxeaga

Tontorrean indarrak berritu eta gero berriz ere bertze magaletik jaisteko bidea topatu beharko da aurrera jarraitzeko.

Mendiandi Itturtxuloko Puntatik

Aldapan behera eta gora egin ostean, Atollarbe mendiko tontorrera iritsiko naiz.

Atallorbe

Mendiaundi Attollarbetik

Aurrera jarraitu eta Mendiaundiko tontorrera iritsiko naiz. Bertan buzoi berezi bat aurkituko dut.

Mendiaundi

Buzoia

Kurutxeaga eta Irumugarrieta Mendiaunditik

Aurrera jarraitu eta Kurutxeaga mendira gerturatuko naiz. Azken zatian hesitxo bat gainditu beharko dut tontorrera iristeko.

Betarregi eta Irumugarrieta

Kurutxeaga

Panoramika Kurutxeagatik

Kurutxeagatik jaitsiera zuzena egitea erabakiko dut eta honela Betarregiko mendi erpinetik gora ekiteko aukera izango dut.

Betarregi

Mendi erpinak ikuspegi ederrak eskaintzen ditu.

Maioak

Azkenean Betarregi mendiko tontorrera iritsiko naiz.

Betarregi

Betarregitik Kurutxeaga

Goiko aldetik jarraituz eta altuera gehiegi galdu gabe, Irumugarrietako maldetara igaroko naiz.

Irumugarrieta

Tontorrera iritsi aurretik hesi bat gainditu beharko da.

Hesia

Azkenik eta hainbat tontor bisitatu ondoren, Maioetako gailur gorenera iritsiko naiz. Bertan buzoiaz gain, erpin geodesiko dago.

Irumugarrieta

Panoramika Irumugarrietatik

Irumugarrietatik bisitaturiko tontor asko ikusgai

Irumugarrietako buzoia eta bere gibelean Balerdi

Txindoki

Beriain Irumugarrietatik

Buzoia

Irumugarrietatik Hego Mendebaldera jaisten jarraitu beharko dut.

Hesi batetara iritsi eta hau gainditurik haranerantz daraman bidetik jarraitu beharko da.

Hesia

Harntxora iritsi aurretik trikuharri eder bat aurkituko dut. Trikuharri izenekoa

Trikuharri

Trikuharria

Apur bat aurrerago pistarekin bat egingo dut eta ezkerreko norantza jarraitu beharko dut.

Pistara iritsi eta ezkerretik segi

Pistatik zenbait kilometro egin beharko dira Beloki mendiko lepora iritsi arte.

Aurrerago Obionetako trikuharriak daude, eta eredu politak direnez, pistatik apurtxo bat desbideratzea merezi du.

Obioneta Hego Trikuharria

Eta oso gertu Obieoneta Ipar dago.

Obioneta Hego Trikuharria

Obioneta Ipar

Aurrerago bertze trikuharriak ikusteko aukera dago ere.

Eta Unagako putzura iritsiko naiz. Gaurkoan ura nahikoa duena.

Unagako putzua

Unaga

Txemiñe

Azkenik Beloki mendiko lepora iritsiko naiz

Panoramika Beloki mendi-lepotik

Tutturre

Mendi-lepotik pistatik beherat egin.

Zutoina

Pistak beherant eramango nau eta momentu batean iturri eta aska bat dagoen tokira iritsiko naiz. Bertan iturrira gerturatu eta ezkerretik pista nagusia utzi beharko da.