Mendiko osterak: Otsondoko bunkerra

2023(e)ko apirilaren 7(a), ostirala

Otsondoko bunkerra

Otsondoko mendatetik ibilbide laburra bertako bunker berezia ezagutzeko. P lerroa edo Pirinioetako defentsarako proiektua, sakontasuneko defentsa sistema batean oinarrituta garatu izan zen Espainiako gerraren ostean. Proiektu faraoniko honetan, askotan presoen lan esku esklabuarekin eta aurrerago urteko soldaduekin jarraitutako, bunker ezberdinez osaturiko Pirinioetako defentsa lerroa da. Defentsa sistema aipatu bezala sakontasunean planteaturik zegoen beraz mugan hainbat bunker eraikitzen ziren, tiradore bunker xumeak, bunker bikoitzak, defentsa edo babeserako guneak (hiru tunel barnetik elkarturik, konpainia bat babesteko modukoak), ibilgailuak ezkutatzekoa, behatze edo aginte-posiziokoak (gaur bisitatzeko aukera izango duguna) eta haranetan kanpalekuak, barrakoiekin eta abarrez osaturikoak. Sakontasunaren lekukoa ikusgai da, zenbaitetan bunkerrak Iparraldea kontrolatzeko ordez, Hego aldera zuzendutak zeudela, etsaia aurreneko lerroa gainditzekotan, atzetik ere erasotzeko. Sakontasun teoria hau, aurreneko gerra mundialaren defentsa lerroen porrotaren ostean garatu izan zen.

Ibilbidearen xehetasunak Wikilocen:

Ibilbide eta bunkerraren bideoa:

2008. urtean Lekarotzeko institutuan Frankismo garaia Baztanen inguruko erakusketa bat antolatu genuen eta erakusketa horren atal bat P lerroraren inguruan garatu izan genuen.

Blog honetako sarreran garaiko elkarrizketa bat irakurgai duzue: https://www.cinturondehierro.net/eu-es/Gotorleku-Erkidegoa/Bloga/ID/56/Entrevista-a-Mikel-Ozkoidi-profesor-del-Instituto-de-Lekaroz-Navarra

Ibilbidea

Ibilbidea 3 D Formatuan

Altimetria

Otsondoko mendatera gerturatuko naiz eta Dantxarinea alderako jaitsiera hasi bezain pronto, ezkerrean, errepidearen parean dagoen aparkaleku txikian kotxea utziko dut. Bertatik askaltokia ikusgai da

Otsondoko askaltokia

Otsondoko portura gerturatu eta eskuinetik abiatzen den pistatik jarraituko dut bunker berezi hau ikusteko. Denbora izatekotan, ezkerreko errepidetik Gorramendirako bidean konpainia bat babesteko hiru tunelez osaturiko bunkerra errepidean bertan ikusgai izango da. Eta gorago Amerikanoen basea kokaturiko eremuko aurriak eta bertze hainbat bunker ere.

Otsondo

Pistatik segi eta segituan soro batetara atera eta eskuinean aurreneko bunker simplea ikusiko dugu. Tiratzailearen bunkerra da hau, baina kasu honetan toki arras estrategikoan itsasoa arteko behatoki naturalean dagoelako eta Otsondoko mendatea eta bidearen gaineko kontrola duelako.

Bunkerra goitik ikusita

Panoramika

Aurreneko bunker honetatik aginte-postuaren bunker berezia ikusgai da.

Aginte-postuko bunkerra

Aurreneko bunkerra bisitatuko dut. Argia ez da beharrezkoa baina gela batzuetan zerbait ikusi nahi bada, gomendagarria da linterna edo mugikorreko argia erabiltzea.

Bunkerra sarreratik

Pasabidea

Metralladorarako gunea

Biltegi gela

Bisita laburra egin eta berriz ere kanpora aterako naiz.

Sarrera barnetik

Bunker hauek ezkutatzeko zohiarekin estaltzen ziren kamuflatzeko asmoz. Barneko egitura hormigoiz osaturik bai zeuden, eta jendeak gutxitan ikusten duena ere, egur xaflekin, ez soilik enkofratua osatzeko, baizik eta defentsarako, hots, lehegailu bat erortzekotan, hormigoi zatiak metralla gisa ekiditzeko.

Bunkerraren sarrera

Gorramendi otsondoko mendatetik eta jentilen harriarekin

P lerroko mapa https://lineap.spiki.org/

Maldan gora ekingo diot bunkerrera iristeko. Kontutan izan nahi izanik bunker honen azpiko aldean bertze batzuk ere ikusgai direla.

Bunker nagusia

Bertatik Alkurruntz mendia ikusgai da. Tontorrean bertze bunker berezi bat dago. Galeria luze batez osatua eta gailurra osoa zeharkatzen duena ipar aldean bi bunker edo tiro tokietara daramana.