Ororbia herritik buruturiko ibilbide zirkularra laburra. Arga ibaiaren paretik joan eta Arakil ibaira gerturatuz, barneko pistetatik itzuliz. Ibilbidea ia laua da beraz edonork egiteko moduko txango laburra da.
Ibilbidea eta altimetria
 |
| Ibilbidea |
Ororbian kotxea utzi eta ibilbidea hasiko dugu, udaletxera bideratuz.
 |
| Udaletxea |
Udaletik plazara eta handik San Julian elizara gerturatuko gara.
 |
| San Julian eliza |
San Julian eliza, Ororbian (Nafarroa), gotiko estiloko tenplua da, XIV. mendeko lehen erdian eraikia, eta aurreko tenplu protogotiko baten zati bat kontserbatzen du. Elizak habearte bakarra du, lau atalekoa, gurutze-ganga bakunez estalia; burualde poligonal sakona du, bost horma-ataleko gangarekin. Hurbilen dagoen atalaren alde banatan kaperak daude, eta, horrela, tenpluak transeptu bat du. Habeartearen oinaldean, aurreko eliza protogotikoaren dorrea dago, tenplu berriak bataiategia kokatu zuen tokia. XVI. mendean koru bat eraiki zen habeartearen lehen atalaren gainean, burualdeari atxikita, epistolaren aldean, sakristia karratu bat, tertzelete-gangaz estalia.
 |
| Harri txikiz osatutako zorua |
 |
| San Julian eliza |
 |
| San Julian eliza |
Elizaren gibeleko partetik ibai aldera jaitsiko gara, iturri eta harraska zaharrak bisitatzera.
 |
| Harraska eta iturria |
 |
| Harraska eta iturria |
Harraska eta hura hornitzen zuen iturria 1806an eraiki ziren, Juan Prudencio Luis obra-maisuak diseinatuta. Eraikuntzarekin, hainbat ur-iturburu kutxa bakar batean bateratu nahi ziren, eta, horrela, ahoko uraren, uraskaren eta garbitokiaren beharrak ase.
 |
| Harraska |
Zubiaren azpitik eta Arga ibaiaren paretik doan bidea jarraitu beharko dugu Iberorantz.
 |
| Arga eta Ororbiako zubia |
Landa eremuak alde batetara eta bertzera Arga ibaia lagun dugularik, pasealekuko zati honetako oinezkoentzako zurezko zubira iritsiko gara.
 |
| Oinezkoentzako zubia |
 |
| Arga |
Bertze ertzera igaro eta ibai ibarretik jarraituko dugu pista zabal eta erosotik.
 |
| Zubia |
 |
| Zutoina |
Iberoko zubi zaharrera iritsiko gara.
 |
| Arga zubitik |
 |
| Zubian |
Pistatik jarraitu eta Ibero herrira gerturatu. Herrira iristean harraskara joango gara. Bertan ur termalak daude.
 |
| Harraska |
 |
| Harraska |
 |
| Harraska eta putsua |
 |
| Ur beroak |
Hamaiketakoa bertan hartuko dugu eta ondoren herriko eliza eta plazara igoko gara.
Errepidera joan eta trafikoarekin tentuz ibiliz, Iruñako norantzan, bertze aldera igaroko gara. Herritik metro gutxi batzuetara, ezkerretik beherantz doan pista hartu beharko dugulako.
 |
| Ezkerreko pista |
Handik zuzen Arakil ibaiko zubi batetara gerturatuko gara. Hau bisitatu eta eskuin aldetik Ororbiarako pista jarraitu beharko dugu ondoren.
 |
| Arakil |
 |
| Arakileko zubia |
Pistatik Ororbiara iritsiko gara ibilbide laburtxo hau amaituz.
 |
| Ororbiara iristean |
iruzkinik ez:
Argitaratu iruzkina