Mendiko osterak: Guardetxetik Putterrira zirkularra

2026(e)ko apirilaren 16(a), osteguna

Guardetxetik Putterrira zirkularra

Guardetxetik Putterri mendirako ibilbide zirkularra Kargaleku, Irupagoeta eta Aparaingain menditik igaroz. Aralerretik ibilbide polita.

Ibilbideko xehetasunak Wikilocen.

Ibilbideko bideoa:

Ibilbidea eta altimetria.

Ibilbidea

Altimetria

Guardetxen kotxea utzi eta ibilbidea hasi. Gaurkoan Putterri mendirako ibilbide zirkularra egitera etorri gara baina zenbait tontorretatik igaroz.

Guardetxeko aparkatokia

Goiza hotz atera da eta hodeiak ditugu zeruan baina hala ere txango eder bat egitera aterako gara. Aparkalekutik aterako gara eta pista nagusia jarraitzeko, aurretik langa bat gainditu beharko da.

Langa

Pistako eskuin aldean, eta Guardetxetik nahiko gertu Beingo Lezea topatuko dugu. Leze hau animaliak eror ez daitezen harrizko horma batez inguraturik dago.

Beingo lezea

Pistatik aurrera jarraituko dugu eta apurtxo bat aurrerago, oraingoan ezker aldean, Otsotesare trikuharria dago.

Otsotesare trikuharria

Trikuharria bisitatu ondoren pistatik jarraituko dugu basotik irten arte. Apurtxo bat aurrerago pista utziko dugu eskuin aldetik Desamalkor tontortxora igotzeko.

Basotik irtetean

Desamalkor tontorretik berriz ere pistara jaitsiko gara. Lehenik Desamalkor tumulutik igarota

Desamalkor

Desamalkor tumulua

Igaratza I lezea

Pistatik jarraituz Igaratza I lezera iritsiko gara

Igaratza I lezea

Inguru honetan paisia karstiko ederra ikusgai da, basoak lapiaza inguratzen duelarik.

Karsta

Igaratza inguruan

Paisai karstikoa

Aurrerago bidegurutze bat topatuko dugu. Bertan ezkerretik pista nagusia utziko dugu Putterri aldera joateko.

Ezkerretik segi

Zutoina

Bertatik Igaratzarako bide zaharreko mendi lepora iritsiko gara.

Mendi lepoa

Igaratzako aterpeak

Mendilepotik bidea segi eta Kargaleku mendi tontorrera iritsiko gara.

Kargaleku

Tontorretik bidea jarraituko dugu harantxo batetara jaisteko.

Loreak Kargalekun

Inguru honetan borda zaharren aurriak ikusgai dira.

Borden aurriak

GRarekin bat egingo dugu gune honetan Larretxiki aldera iristeko

Bidean

Larretxiki

Belardi eremua gaindituko dugu bertze tontor batetara igotzeko.

Larretxiki

Putterri

Basoan barneratuko gara berriz eta bide zabaletik eskuin aldera desbideratuko gara Irupagoeta mendira igotzeko.

Irupagoeta

Irupagoeta menditik ezker aldetik eta hesitik gertu mendi hau eta Putterriren arteko mendi lepora jaitsiko gara.

Basoan

Mendi lepora iritsi eta hesiaren paretik doan bidetik gora ekingo diogu.

Mendi lepoan

Bideak gune berezi batetara eramango gaitu. Paisai karstikoan bide natural berezia sorturiko pasaleku batetara. Haitzen artetik igaroko gara aurrera jarraitu ahal izateko.

Pasalekua

Goiko aldera iritsiko gara eta berriz ere bide zabalago batetatik Putterrira gerturatuko gara.

Bidea

Putterri mendiko Ipar magaletik, haitz eta harrien artetik bidexka batek altuera irabazten lagunduko digu. Azkenik mendi ertzera iritsiko gara eta basotik irtetean ikuspegi zabalak izango ditugu.

Putterriko erpina

Erpina jarraituz eragozpenik gab tontorrera iritsiko garelarik.

Erpinean

Basoa gainditurol

Putterri

Tontorrean ez gara gehiagi geldituko batetik lainoak ikuspegiak ekiditzen dizkigualko eta bertzetik haizeak hotz astintzen gaituelako. Beraz bide beretik jaisten hasiko gara.