Txirrindulaz buruturiko bertze ibilbide bat aurkeztuko dut sarrera honetan. Oraingoan ere Plazaola trenaren bidetik Añezkar herrira eta ondoren Ezkidi mendiari itzulia emanik, Larraguetara jaitsi eta autopistaren ertzetik itzulia egiten duena.
25 kilometro ingurukoa eta aldapa gutxikoa. Ezkidi mendiari itzulia ematean pista eta bide estuago batzuk ez badira, gainontzekoa bizikletaz eroso ibiltzeko modukoa.
Donibanetik abiatuta, Biurdana parkera gerturatuko naiz, bertan Plazaola trenaren bidea hartzeko.
Arga ibaira gerturatzean tunelean sartu eta ondoren zubira iritsiko gara.
Ibaiaren bertze aldean, trenaren ibilbidea utzi eta ezkerreko partetik pasealekutik abiatuko gara Cuatro vientosera iristeko.
Errepidea zeharkatu eta trenbideetara iritsik aurretik eskuinetik jarraitu.
Aurrerago Tren zaharraren bidera iritsiko gara eta prestaturiko bidea, ezkerretik segituko dugu.
Artikako igerilekuak igarota, tre zaharraren errailetara ailegatuko gara. Handik ezkerreko norantza jarraituz.
Ingurubidearen azpitik igaro eta bertze aldean, ezkerreko pista jarraitu Berriozarrera hurbiltzeko.
Errepidea gurutzatu eta zuzen Militarren eraikinetara iritsi. Bukaera partean ezkerrerantz doan errepidea hartuko dugu Berriobeitira iristeko.
Antsoain herrira errepidez iritsiko gara eta erdiko partean ezkerretik behera doan kaletik errepide nagusia utzi.
Berriobeitiko udala eta polikiroldegira iritsi eta bere gibelean dagoen parke eta belardietara igaroko gara.
Eskuinetik Santa Eulalia eliza aldera bideratuko gara. Hantxe topatuko dugu Plazaolaren oroigarria eta arkua.
Arkua igaro eta aldapan behera zuzen jarraitu.
Pista honek Juslapeña erreka zeharkatuz aurrera eramango gaitu.
Elkarte herrira daraman pista zeharkatu eta zuzen jarraitu.
Bertze bidegurutze honetan, eskuinetik Oteizako eliza bisitatzera desbideratuko gara. San Juan Batailatzailearen adbokaziokoa. 1200 urte inguruan eraikitakoa, Larunbe herriko elizaren aterpe gotikoaren antzeko bat dauka. Oin laukizuzenekoa.
Berriz ere Plazaolako bidera irten eta aldapatxoaren bukaeran Ezkidi mendi-lepoan, errepide nagusira aterako gara.
Tentuz ibili errepidearen bertze aldera igaro beharra dugu eta.
Apur bat aurrerago eta ezkerreko aldean, pista bat abiatuko da. Honetatik sartu.
Metro gutxi aurrerago, eskuineko pistara pasako gara, malda nagusiena ekidituz.
Tarte batean landarediak pista osoan agerikozaigu eta zatitxo batzuetan ez da erraza txirrindularen gainean mantentzea.
Landa eremuetara irtengo gara eta segituan bertze mendi-lepo batetara.
Larragueta eta Iruña ikusgai izango ditugu bertatik.
