Errotzetik Gaztelu eta Txurregi zirkularra

Errotz herritik abiaturik, Gaztelu mendirako igoera eta ondoren Txurregi mendiko gailurrera bisitatuko duen ibilbidea aurkeztuko dut sarrera honetan. 

Ibilbidearen xehetasunak Wikilocen:

Powered by Wikiloc

Ibilbideko bideoa:

Ibilbidea eta altimetria

Errotz herritik abiatu eta Gaztelu eta Txurregira

Ibilbidea 3 D formatuan ikusgai:

Altimertria

Errotz herrira gerturatu, Oskiako arroilatik igarota, eta bidegurutzean berean kotxea utzi eta motxila prestatuz, ibilbideari hasiera emango diot.

Errotz herria

Errepide nagusia utzi eta zubirantz bideratu berharko naiz, Arakil ibaia zeharkatu ahal izateko.

Arakil gaineko zubia

Egun hauetan euri eta elurra bota duenez, ibaia nahiko handitua dator.

Arakil

Ibaiaren bertze aldera igaro, kontuz nahiko estua bai da eta kotxerik etortzekotan ez da toki gehiegirik gelditzen oinezkoentzako.

Errotz

Ibaiaren bertze aldean zutoin bat aurkituko da, norantza ezberdinak adierazten duena. Gaurkoan ezkerreko aldera jo beharko da. 

Zutoina

Errepidea utzi eta ezkerretik abiatzen den pista hartu beharko da igotzen hasteko. Metro gutxi batzutara metalezko atea dago, hau gainditu eta ongi itxi ondoren jarraitu.

Bideaa eta atea

Aurrerago bidegurutze berri batetara iritsiko naiz, oraingoan eskuinetik gorantz jarraitu.

Eskuinetik igotzen segi

Basoan barneratuko naiz, igoera politagoa bilakatzen delarik. Gaurkoan gainera lainoa dagoenez, paisai misteriotsuak ageriko dira tarteka.

Basoan lainoa nagusitu da

Gorago hesi bat aurkituko dut bide erdian, atakatik gainditu eta zuzen jarraitu beharko da igotzen.

Hesia gainditu eta zuzen

Basoa

Gorago Urritzolatik datorren bidearekin bat egingo da. Zuzen igotzen jarraitu beharko delarik.

Urritzolatik datorren bidearekin bat egitean

Zutoina

Igoerako bidea zabala da eta basotik denez, igoera ederra da.

Lainoa basoan

Gorago, bihurgune batean bidegurutze berri bat izango da. Jaitsieran zuzeneko bidetik itzuliko garen arren, igoeran ezkerreko bide erosoagotik, hots, malda gutxiago duenatik jarraituko dut.

Bidegurutzea

Ezkerreko bidetik igotzen segi

Basoa

Poliki politiki Gaztelu mendiko magaletatik tontorrari buelta ematen zaio.

Bidea

Bidea, basoa eta lainoa

Lainoa

Azkenik Gaztelu mendiko mendebaldeko erpineko mendi-lepotxo batetara iritsiko naiz.

mendilepora iristear

Basotik atera eta mendi erpinean nagoelarik, ezkerretik gora jarraitu beharko dut.

Gaztelu mendiko erpinetik gora segi

Gaztelu mendiko tontorra

Gaztelu mendiko tontorrera gerturatzean lainoa beheko aldean utziko dut eta ikuspegiak argiago izango ditut.

Tontorra azpiko ikuspegia

Oiarregi gaztelua izandakoaren oroigarria

Tontorrean gaztelu zaha baten dorre zirkularraren aurriak ageri dira.

Oiarregi gazteluko dorrea

Txurregi mendia

Sarrera honetan: https://mendikosterak.blogspot.com/2020/08/gaztelu-eta-txurregi-urritzolatik.html gazteluaren informazio irakurgai duzue.

Oiarregiko Dorrea

Oiarregi Gazteluaren dorrea

Panoramika Oiarregi Gazteluaren dorretik

Gaztelu mendiko tontorreko panoramikak argazki bi hauetan ezagutu daitezke.

Panoramika Oiarregi Gazteluaren dorretik

Aixitako gaztelua eta bihaizpak

Buzoia

Gaztelu

Tontorrean atsedena hartu eta gero, bertze magaletik beherantz abiatuko naiz, Txurregi eta Gaztelu mendien arteko mendi lepora jaisteko.

Mendilepoa

Mendilepotik aurrera, Txurregi mendiko magaletik gora egitea falta da. Hasieran malda hasieran ez da soberan gogorra baina aurrera egin ahala malkartsuagoa eta benetan tente bilakatu egiten da.

Txurregi

Azkenean Txurregi mendiko erpinean dagoen mendi lepora iritsiko naiz.

Erpinean dagoen mendilepoa

Mendilepotik

Arnasa hartu eta eskuinetik jarraitu beharko da tontorrera iristeko.

Txurregi eta Satrustegiko mendi lerroa, Beriain mendiarekin

Tontorrera iristeko bidetxo bat dugu, baina estratoaren goiko zatia nahiko higatua dagoenez, harriz beterik dago.

Txurregitik

Txurregitik Gaztelu

Satrustegi mendia

Gaztelu

Tontorra

Tontorrean hamaiketako hartu eta berriz igoeerako bidetik mendilepora jaitsi beharko da.

Mendilepora iritsi eta hesiaren bertze aldera igaroko naiz. Bertan eskuin aldeko magaletik jarraitu beharko da altuera gehiegi galdu gabe.

Hesia bat gainditu beharko da eta tontortxoari buelta eman, bidegurutze bat topatu arte.

Puntu honetan ezkerretik basorantz bideratuko naiz.

Basorantz

Basoa

Basoan sartu eta bidetxo batetatik jarraituz, igoerako bidegurutzera aterako naiz.

Bidegurutzera iristerakoan, igoerako bidea beherat egitea bertzerik ez dago, Errotzera iristeko.

Errotz

Zubia

Arakil

Ibilbide klasikoa baina polita, Iruñerriko tontor ezagunetara igotzeko.