Dunas de Liencres zirkularra

Dunas de Liencres Natura parkea ezagutzeko ibilbide zirkularra. Sei kilometro erdi pasatxo honetan dunen bi eremu ezberdinak ezagutzeko beta izango dugu, batetik ereinduriko pinadiaren bitartez gelditu diren dunen eremua eta ondoren hondartza bisitatu eta gero inguruko duna mugikorrak. Itzulera ibaiaren bokaletik burutuko denez, padura ere ezagutuko dugu.

Ibilbidearen xehetasunak Wikilocen:

Powered by Wikiloc

Ibilbideko bideoa: 

Ibilbidea eta altimetria:

Liencreseko dunak ezagutzeko ibilbidea

Ibilbidea 3 D formatuan ikusgai

Altietria, desnibel urrikoa da

Liencres eta Boo herriak elkartzen dituen errepidetik gerturatuko gara Liencresen dunen parke naturaleko sarrerara iristeko. Han kotxea askaltokian utzi eta pinaditik ibiltzen hasiko gara.s

Liencreseko natura parkeko askaltokia

Bide aunitz ikusgai izango dira dunen artean baina guk zabalenetik iturria eta etxolaren gibeletik beherantz doanetik jarraituko dugu.

Ibilbidearen hasieran

Hasierako eremu honetan dunak aurreko mendearen erdi aldean ereinduriko pinadiarengatik eremuan finkatzea lortu zituzten. Beraz bideak gora behera ezberdinak izango ditu, dunen egitura eta altuerari egokituak.

Dunak pinadiak finkaturik

Parke Natural hau kosta-lerroan dago, Punta del Águilatik mendebaldera, Miengon, Hozeko kanaleraino, ekialdean, Santa Cruz de Bezana eta Santander udalerrien arteko mugan, itsasertzeko tarte horretako uhartetxo guztiak barne. Gainera, barnealdean, Parkeak Pas ibaiaren estuario osoa eta La Picota edo Tolío mendiaren zati handi bat hartzen ditu.

Pas ibaiaren (Mogroren itsasadarra) bokalean dago, Pielagos udalerrian, Kantabriako itsasertzaren erdialdean, eta 1986an Parke Natural izendatu zuten.

Pinadian

Tarte honetan itzaletik joko dugu, bide arras erosoa bihurtuz. Gainera lurra trinkotuta dagoenez ibilbidea errazten du.

Itsasoaren eraginez sorturiko landaredi oparoa

Itsasora gerturatu ahala, nahiz eta lurra area edo dunaz osaturik izan, landaredi oparoa ikusgai izango dugu.

Hala ere tarte batzuetan, behatoki batetara gerturatzean errate baterako, area nabarmenduko zaigu bidean.

Duna batetatik gora

Itsasora gerturatzean zurez osaturiko behatoki batetara gerturatuko gara.

Liencresko Dunen Parke Naturalak 195 hektarea ditu, eta edertasun handiko kala eta bi hondartzaz osatuta dago, Valdearenas eta Canallave itsas pinuzko baso handi batez eta duna-sistemaz.

Hondartzaren atzean dunak daude, Espainiako iparraldeko garrantzitsuenetakoak, interes geomorfologikoagatik, eta ezaugarri ekologiko eta paisajista bereziak dituzte.

Behatokia

Behatokia

Behatokia bisitatu ostean itsasorantz joko dugu, pinadia gure gibelean utziz.

Itsasorako bidean

Errepide batetara aterako gara eta bertatik, ezkerreko norantza jarraituz, hondartzen aldera joko dugu.

Errepidetik ezkerreko alderantz

Kostalde hautsia edo Costa Quebrada

Errepideak hondartza aldera eramango gaitu, poliki poliki altuera galduz.

Hondartzetara

Aurrenik Canellaveko hondartzara iritsiko gara.

Canellaveko hondartza

Dunetako loreak

Haizearen eraginez sortuak, itsasertzeko korronteen hondarrak eta Pas ibaikoak biltzen dituena, bi duna-eremu bereiz ditzakegu: duna mugikorren bat, hondartzaren ondoan dagoena, haizearen eraginez barnealderantz aurrera egin duena, eta 1949. urtean finkatu zirenak, paisaia berri bati mesede egin zion itsas pinuzko baso-masa bat landatuz, eta haren hedapena geldiaraztea lortu zuena; beste duna-motak finkatzea lortu du zenbait landare-espezieren laguntzari esker, hala nola hareazko ihia edo itsas kardua.

Liencresko Dunen Parke Naturalean muga batzuk daude duna-sistema zaintzeko, baina ez dute inolako eragozpenik parkeaz gozatzeko.

Dunetako lorea

a

Canellaveko hondartzara jaitsi gabe, ezkerretik dunen bitartez Valdearenaseko hondartzara gerturatuko gara.

Canellaveko hondartza

Canellaveko hondartza

Bertan dunak mugikorrak dira eta hondartzarako bidea polita eta berezia izango dugu.

Dunetan

Hondartzarako bidea

Dunen goiko parteko bidetik ibiltzen

Karduak

Dunak bere landaredi propioa dute eta berezia da.

Dunetako landaredia

Azkenean Valdearenaseko hondartzara iritsiko gara. Bertan aparkaleku handiak daudenez, jende samalda egongo da arratsalde eguzkitsu honetan.

Valdearenas hondartza

Bidea hondartza beretik jarraituko dugunez, itsasoaren ertzetik hain zuzen ere, zapatak kendu eta ortutzik jarraitzea erabakiko dugu.

Hondartzatik aurrera segi

Kantauri itsasoa

Hondartzatik duna mugikorren eremua ikusterik dugu. Oraingoan itsasoa eta padura edo ibaiaren bokalaren artean ibiliko gara.

Duna mugikorrak

Hondartzaren bukaerako partean

Bokaletik gertu dunetara igo

Hondartzaren bukaerara iristean, dunak igoko ditugu itsaz adarrera edo padurara jotzeko.

Dunak

Mogroko padura

Mogroko paduratik gora, Miendo ibaiatik gora joko dugu. Marea gora ez denez eremu zabal eta lauak topatuko ditugu gure bidean.

Miengo ibaiko padura

Paduratik dunen egitura erraz nabarmentzen da, harresi naturala sortuz, ibaiari meandroak osatzen behartuz.

Miengoko paduratik dunak

Miengoko padura

Azkenean La Cavadillaren parean haitz batzuk topatuko ditugu eta hortik dunetan berriz barneratuko gara altuera irabaziz.

Paduran haitzak

Azken hondartzatik gora

Azken hondartzatxo honetatik gorantz doan bidexkatik jarraitu beharko dugu pinadian barneratuz.

Padura pinaditik

Bide ezberdinek pistatxo batetara eramango gaituzte eta horretaik errepideraino joko dugu.

Errepidea

Errepidera atera eta eskuinetik segi

Errepidera iritsi eta eskuinetik jarraitu beharko dugu aparkalekuraino

Arratsaldeko hodeiak

Ibilbide laburra baina polita oso.