Iruña Ibero Btt

Sarrera honetan Iruñatik Iberora Arga ibaiko pasealekutik eta handik Lizasoain aldetik Berriozarrarte. Bizikletaz osaturiko bide erraza eta erosoa, hori bai, aurreneko zatian, hobeto da goiz joatea bertzelakoan oinezko askorekin topo egiterik dago. 30 km inguru eta aldapa gutxiko ibilbidea da.

Ibilbidearen xehetasunak Wikilocen

Powered by Wikiloc

Ibilbidea eta altimetria.

Ibilbidea

Ibilbidea 3 Dn ikusgai

Altimetria

Donibanetik abiatuko gara gaurko ibilbidea egiteko.

Arga ibaia ronda pasealekutik

Arga ibaira jaisteko

Lagunak ondoren parkera zuzen segi

Eulzako parkean sartu eta eskuineko aurreneko bidegurutzetik abiatuko gara, aldapan gora egin ordez.

Parkean eskuineko bidea hartu

Berriz ere Arga ibaira gerturatu eta lantegiaren pareko zubi berritik bertze ertzera igaroko gara.

Argaren gaineko zubi berria igaro

Ibai ertzetik eta trenaren zubiaren azpitik igaro eta gero, autopistaren zubiraren azpira gerturatuko gara. Puntu honetan Elortz ibaiak Argarekin bat egiten du eta bigarrenaren izenarekin jarraituko dute itsasorako bidea.

Arga eta Elortz ibaiak elkartzen diren gunea

Ibai ertzetik aurrera egingo dugu, berriz ere autopistaren zubien azpitik pasatzeko eta hauen ostean araztagira daraman sifoiaren eraikinaren aldamenetik igaro eta apur bat aurrerago Arazuriko zubi zaharrera iritsiko gara.

Arazuriko zubi zaharra

Arazuriko zubi zaharra zaharberritua dago eta dotore ikusten da Argaren gainetik. 

Zubia gainditu eta eskuinetik jarraitu

Argaren bertze ertzetik jarraituko dugu, Arazuri herria inguratzeko. 

Arazuriko zubi berritik eskuinera

Arazuriren azpitik igaro eta segituan zubi berri batetara iritsiko gara. Bertatik Arga ibaiko bertze ertzera igaro eta ezkerretik ibaiaren norantza jarraitu beharko dugu.

Berriz ere zubi berri honetatik bertze ertzera igaro

Ororbiara iritsi aurretik, zubi berri bat topatuko dugu. Bertatik ibaiaren bertze ertzera igaro beharko dugu. Zubiak igoera eta jaitsiera erosoa duen arren, erne jendearekin.

Arga ibaia

Zubi berrian

Ororbiara iritsi eta errepidera atera beharko dugu, bertatik Argaren zubia zeharkatzeko eta zubia bukatzerakoan eskuinetik, berriz ere Arga ibaiko ertzera jaisteko.

Errepidea eta zubira iristean

Zubiatik bertze ertzera igaro

Erne ibili zubian, trafiko nahikoa egoten bai da errepide honetan.

Ororbiara daraman zubian

Zubia bukatu eta eskuineko karrika hartu ibaira jaisteko.

Zubia bukatu eta eskuineko karrikatik ibaira jaitsi

Ororbiako harraska bisitatzera joko dugu, beraz ibai ertzetik ezkerretara metro gutxi batzuk egingo ditugu. Ondoren zubiaren azpitik daraman pistara itzuliko gara.

Ororbiako harraska

Zubiaren azpitik igaro beharko dugu

Ibai ertzetik jarraitu beharko dugu, bertze paseabide eta zubi berri batetara iritsi arte. Bertatik berriz ere Arga ibaia gaindituko dugu, bertze ertzetik jarraitzeko

Zubi berri honetatik berriz bertze ibai ertzera igaro

Zubiaren gainean musukoarekin

Arga ibaia

Argako pistatik

Iberoko zubitik bertze ertzera igaro

Ibero herrirantz gerturatuko gara, eta bertan zubi zaharra izango dugu Argaren bertze ertzera igarotzeko. Bertan agurtuko dugu Arga ibaia, 

Iberoko zubia

Ibero herrira iritsiko gara pista zuzen jarraituz. Bertan elizaren dorrearen azpitik igaro eta plaza batetara bideratuko gara, beretatik errepide nagusira iristeko.

Iberoko eliza

Errepidera iritsi eta kontu handiz, eskuinetik, Iruñarako norantzan, metro gutxi batzuk egin beharko ditugu. Hauxe izango da ibilbidearen zati arriskutsu bakarra. Baina kontuz ibiliz eta mantxo, errepidea gurutxatzeko aukera izango dugu.

Iberon errepidea eskuinera segi

Errepidetik metro gutxi batzuk egin eta herria amaitzen denean, ezkerretik ikusiko dugun pistatik jarraitu beharko da. Kontuz errepidea zeharkatzean.

Errepidea zeharkatu eta ezkerreko pista hartu

Pista hartu eta Arakil ibaiko ertzera eramango gaitu.

Ezkerreko pistatik segi

Metro gutxi batzuk egin eta bidegurutze batetara iritsiko gara. Nahi izanik eskuinetik Ororbiara joaterik dago baina gaurkoan zuzen jarraituko dugu Ororbia ez zeharkatzeko.

Bidegurutzean zuzen segi

Izu aldera

Pista ereindutako landetatik eramango gaitu. 2021ean sojaz inguraturik ibiliko gara.

Musukoarekin ibili behar izateak bere eragozpenak ditu

Pistak errepidera aterako gaitu

Pistatik errepidera iritsiko gara. Bidegurutzean eskuinetik metro batzuk errepidetik egin beharko ditugu. Baina Iruña taldeko futbol zelaietara iritsi baino lehen, ezkerretik pista bat ikusiko dugu. Pista horretatik jarraitu beharko dugu.

Errepidetik eskuinera

Metro gutxi ondoren errepidea utzi ezkerretik

Ezkerreko pistatik jarraitu beharko dugu

Bidegurutzean zuzen segi

Aurrerago bidegurutze batetara iritsiko gara eta oraingoan zuzen jarraitu beharko dugu.

Pistatik zuzen jarraitu

Bidegurutzera iristen

Pista honetatik zuzen jarraitu eta berriz ere ereindutako landetatik ibiliko gara.

Berriz ere landarez inguraturik

Aurrerago Izura daraman errepidea zeharkatu beharko dugu eta zuzen pistatik jarraitu.

Errepidera iristen

Errepidea zeharkatu eta zuzen pistatik segi

Pista honetatik Orkoien herriko azpiko zubi zaharrera iritsiko gara. Bertan bidegurutze bat dugu. Gure kasuan ezkerretik, ibaiaren ertzetik eta autopistaren paretik doan pista jarraituz.

Bidegurutzean ezkerretara

Orkoien herriko zubi zaharra

Autopistaren paretik jarraituko dugu, Loza herrirara daraman errepidera iritsi arte. Bertan ezkerretik metro gutxi batzuk egin beharko ditugularik.

Errepidetik ezkerretik jarraitu

Metro gutxi batzuren ostean eskuineko pistara jo

Errepidetik apur bat ibili eta segituan eskuinetik ateratzen den pistatik jarraitu beharko dugu, errepidea utziz.

Eskuineko pistatik segi

Pista honek autopistaren paretik eramango gaitu. Puntu batean errepidearen zubiaren azpitik igaro beharko dugu eta honeal Agustinoseko poligonora iritsiko gara. Bertatik jarraitu eta Berriozar herrira gerturatuko gara.

Berriozarrera joateko autopistako azpiko errepidetik

Berriozarreko pasealekutik Decathon aldera aterako gara eta han bidegorria jarraituz Iruñara itzuliko gara.

Autopista azpitik igaro