Mendiko osterak: Peña de Lapoblación

2023(e)ko abenduaren 18(a), astelehena

Peña de Lapoblación

Gaurko txangoan Peña de Lapoblación edo lehoi lokartua ezagutzeko aukera eskainiko digu eta tontorrean gazteluaren aurriez gain, ikuspegi eder eta zabaletaz blaitzeko unea izango da. Ipar magaletik buruturiko txangoa, horren ohikoa ez izan arren, apur bat luzeagoa baina berezia benetan. Goiko partean tarte batzuetan tentuz ibili beharra dago, bereziki buruturiko egun batean bezala lokatsa eta elurra aurkitzen bada.

Ibilbidearen xehetasunak Wikilocen:

Ibilbideko bideoa:

Ibilbidea eta altimetria

Peña de Lapoblaciónerako ibilbidea

Ibilbidea 3 D formatuan:

Altimetria

Ega ibaiaren aldamenean dagoen aparkaleku eta askaltoki batetara gerturatu beharko gara han kotxea utzi eta ibilbidea hasteko. Marañon Nafarroako herria eta Angostina Arabakoaren artean, bi probintzien arteko muga inguruan dago kokaturik. Errepidea utzi eta zubitxo batetatik ibaiaren bertze ertzera pasa eta han topatuko dugu abiapunturako aparkalekua.

Errepidea eta zubia aparkalekutik

Kotxea utzi, mendiko trasteak paratu eta ibilbideari hasiera emango diot.

Kotxea bazter batean aparkatu eta pistatik segi

Roñes errekatxoa igaro gabe, pista ezkerreko ertzetik gora jarraitu beharko da.

Udaberriko aurren loreak

Roñes errekatxoa

Pista Roñes errekatxoaren ertzetik gora egiten du tartetxo batez eta horrek argazki batzuk egiteko beta eskaintzen du.

Roñes errekatxoa

Aurrerago pista desagertzen da eta errekatxora jaitsi eta gurutzatu beharko da bertz ertzetik pista batetara ateratzeko. Troka estutuz doa eta zenbait metro aurrerago ur-jauziak egongo bai dira.

Roñes errekatxoa gurutzatu

Bertze ertzetik bidexka bat ageriko da, magaletik gora doana eta metro gutxi batzuetan pista berritu batetara eramango gaitu.

Bidexkatik gora

Gaurkoan pista berritzen ari direnez, lokatsaz beterik topatuko dut. Are gehiago, aurrerago makineria ikusgai izango dut ere.

Pistatik eskuinera

Aurrerago ur biltegi txiki bat ikusgai izango da, baina pistaren obrak bidea itxita dute eta lokatsa asko dagoenez, egiten ari diren pistatik gora jarraituko dut. Itzuleran aldiz, biltegira jaitsiko naiz ibai ertzetik

Ura biltegia

Errekatxoak putsu txiki bereziak sortzen ditu ura kare aunitz du eta

Ur biltegi handia

Aurrerago ur biltegi berrira iritsiko naiz eta bertan pistaren egoeraren arduraduna ikusgai izango dut.

Ura biltegia

Pistatik zuzen igotzen jarraitu eta eremu irekiago batetara iritsiko naiz. zuhaitz berrien plantazio bat dagoenez, Peña de Lapoblaciónen haitzaren tankera ikusteko aukera izango delarik. Pista zuzen jarraitu desbideratu gabe.

Pistatik zuzen segi

Peña de Lapoblación

Hemendik aurrera pista malkartsuagoa bilakatuko da eta berriz ere basoan barneratuko da La Población Haitzaren azpiko magaletik gora egiteko.

Zuzen segi

Azkenean Pista zabalago batetara aterako naiz eta oraingoan eskuinetik igotzen jarraitu ere.

Pistara atera eta eskuinetik segi

Aurrerago bidegurutze batetara iritsiko naiz. Oraingoan ezkerretik Lapoblación haitzetarako norantza jarraitu.

Ezkerreko pistatik gora

Lapoblación haitzerantz

Xehetasuna

Mendilepo batetara iritsiko naiz eta bertan eraikin bat ageri da antena batekin. Bertan pista nagusia utzi eta ezkerretik abiatzen den bidetik segi, bertzela Lapoblación herrirantz jaisterik dago.

Eraikina

Ikuspegia mendi-lepotik

Ezkerretik pistatxo bat abiatzen da. Bertatik haitza inguratuko da.

Ezkerreko pistatik segi

Haitzari itzulia ematen zaio pista honetatik, ipar aldea inguratu, bertze aldera mendi-lepotxo batetara iritsi arte. Han eskuinetik bidetxo bat abiatzen da goranzko norantzan.

Eskuinetik bidexka hartu

Eskuinetik haitzetara

Bidetxo honek haitzen oinera eramango gaitu eta haitzen azpitik igotzen jarraituko da.

Haitzen azpiko bidexka

Elur apur bat bidean

Poliki poliki altuera irabazten du, basoaren gainera iritsiz.

Peñalta eta Kripaneko haitzak

Kripaneko Haitzak eta San Tirso

Bidea estua da eta zenbait tarteetan haitzen artean doa. Eremutxo batean katetxo bat ere dago pauso bat errazteko.

Gaurkoan lokatsa, elurra eta haize asko dabilenez tentuz ibili beharra dago zati honetan. Bertigorik duen jendearentzako ez da oso gomendagarria.

Bide estua amildegitik gertu doa

Igoera haitzen artean

Goiko partean tximini antzeko batetik doa bidea.

Igoeraren azken parte

Azkenean mendi erpinera iritsiko naiz eta bertan Lapoblaciónetik igotzen den bide normalarekin bat egingo dut. Azken txanpa bertzerik ez da gelditzen Gaztelura iristeko.