Etxeberritik Aixita eta Ilarraundi

Etxeberri herrira hurbilduko gara Aixita mendia eta gazteluaren aurriak bisitatzeko eta ondoren Ilarraundiko Malkorra mendira joateko. Ibilbide lineala honek 11 km pasatxo eta 700 metroko denibel gorakoa da.

Ibilbidearen xehetasunak Wikilocen:

Powered by Wikiloc

Ibilbideko bideoa:

Ibilbidea eta altimetria

Etxeberri Ilarraundi ibilbidea

Ibilbidea 3 D formatuan ikusgai:

Altimetria

Etxeberri herrira kotxez iritsi eta plazan aparkatu ondoren motxilak eta botak paratu eta aldapan gora hasiko gara.

Etxabarriko plaza

Iturri aldera igoko gara eta bertan informazio ohol ezberdinak ikusgai izango dira mapekin eta bukatzeko norantzak adierazten dituzten zutoinak.

Iturria eta informazio oholak

Hilerrira arte igoera portaldezko pista batetatik burutzen da. Tarte batzutan aldapa malkartsua duelako.

Pistatik gora

Udaberriko loreak ikusgai izango dira pistaren bazterretan eta horien artean orkidea polit bat topatuko dugu.

Orkidea

Orkidea

Apurtxo bat aurrerago hilerrira iritsiko gara eta bertan bidea hasiko da. Ezkerretik gora hasieran pista eta handik gutxira bidean bilakatuko dena.

Hilerria

Azienda joan ez dadin ate bat dago pistan

Segituan bidegurutze bat izango dugu. Gaurkoan ezkerretik gora jarraitu beharko dugu Aixita aldera, eskuinetik aldiz Arrantzaleen bidera eta Larraun ibaira jaisterik dago.

Eskuinetik bidegurutzeko zutoina

Bideak altuera irabazten doa eta tarte batzuetatik Aixitako tontorra ikusgai izango dugu.

Aixita

Basoan zehar ere ibiliko gara horregatik igoera lasai egiterik dago.

Goian mendi lepo batetara iritsiko gara. Bertan izango dugu bidegurutzea. Aixita bisitatzeko eskuinetik abiatzen den bidetik joan beharko dugu. Jaitsieran berriz lepo honetara iritsi eta oraingoan eskuinetik pistara atera beharko dugu.

Mendi lepoko bidegurutzea

Aixitarako bidea

Aixita aldera gerturatzen goazelarik haitzetik gertu gaudelaren lekuko harriak izango dira.

Aixitarako azken zatian, gune estrategikoko eremu bitxia dela argi geldituko zaigu.

Aixita

Hemendik aurrera kontuz ibili beharko da toki batzuetan. Bertatik ez gara jabetuko baina geroago ikusiko dugu zer nolako amildegia dagoen, bereziki ipar aldean.

Aixita eta Erga gibelean

Gaztelu zaharraren inguruko informazio ohol ezberdinak irakurgai izango dira. Harresi eta eremu mailakatu ezberdinak zituen denfentsa gunea da.

Bertze IBILBIDE HONETAN informazioa irakurgai duzue.

Aurreneko harresian dagoen eskailera

Aixita tontorrera gerturatuko gara ikusgai diren aurri ezberdinak behatuz, eta bukaerako dorrea inguratzen duen bidean kontuz ibiliz sekulako amildegia bai du ezker partean.

Aixitan

Aixitako goiko dorrea

Aixitatik Beriain eta Sakana

Bi ahizpen tontor nagusie eta Erga atzean

Panoramika Aixitatik

Bi Ahizpen eremua nahiko ona izaten da saiak ikusteko eta gaurkoan ere hainbat izango ditugu gure gainetik hegal egiten.

Saia

Goiko dorrearen aurriak

Dorreari berriz itzulia eman beharko diogu ur biltegira jaisteko eta beherantz jarraitzeko.

Dorrea inguratzen

Ur biltegia

Azken harresiaren eremuan

Mendi leporako jaitsieran lorez beteriko eremuak ere aurkituko ditugu.

Mendi lepora iritsi eta eskuinetik pistarantz joko dugu. Pistara atera aurretik hesi bat gainditu beharko dugu.

Hesia

Bidegurutzeko zutoina

Bertan bidegurutzea izango dugu. Gaurkoan ezkerreko pista jarraitu beharko dugu, eskuineko bidetik Larrau ibaira eta Bi Ahizpen arteko pasabidera jaisterik dago.

Pistatik segi eta aurrerago bertze bidegurutze bat izango dugu. Eskuinetik segi.

Eskuineko pistatik segi

Puntu honetan pista utzi eta eskuinetik abiatzen den bidea jarraitu beharko dugu.

Pista utzi eta eskuineko bidetik segi

Bidea altuera irabaziz doa basoan barneratuz.

Basoan

Geroago basotik irten eta tarte batez Erga, eta Bi Ahizpak eta Aixita inguruko ikuspegi pribilegiatuak izango ditugu.

Basotik irtetean

Bi Ahizpak

Aixita eta bere hormaren xehetasuna

Bertze magalera itzulia ematean hesi bat topatuko dugu.

Hesia

Larrazpil mendiko magaletik

Bertze hesi bat

Hesia gainditu eta soro batetara atera

Bertze aldean pista bat hasiko da eta bertatik borda zahar berritu batetara iritsiko gara.

Borda

Borda

Bertatik pista zabalago bat abiatzen da. Bertatik igotzen jarraitu beharko da.

Pistatik igo

Handik gutxira bidegurutze bat izango dugu. Zuzen joatekotan Goldaratzera joko genuke, baina guk ezkerretik gora jarraituko dugu.

Bidegurutzera iristean

Zutoina bidegurutzean

Pista honetatik metro gutxi batzuk egin eta berriz ere bertze bidegurutze batetara iritsiko gara. Oraingoan eskuinetik igotzen jarraitu.

Eskuineko pistatik

Ilarraundi Malkorra

Bihurgune batean pista nagusia utzi eta eskuin aldetik abiatzen den pista estuagotik jarraitu.

Eskuineko pistatik segi

Berriz ere basoan

Segituan, eskuin aldean, baltsa txiki bat gaindituko dugu.

Baltsa

Larrazpil eta Ilarraundi mendien arteko mendi lepora iritsiko gara pistaz. Bertan eskuin aldetik abiatzen den bidexka batetatik Ilarraundirantz igotzen hasiko gara.

Eskuinetik Ilarraundirantz

Segituan haitzen azpira iritsiko gara eta bertan, ezker aldetik haitz handi bati itzulia emanik igotzen jarraitu beharko da.

Ilarraundiko haitzak

Haitz hau inguratu igotzen jarraitzeko

Mendi erpinera iritsi eta eskuinetik tontorrerako bidexka jarraitu beharko da.

Ilarraundi Malkorreko erpin geodesikoa

Ilarraundiko Malkorra

Ilarraundiko Malkorra

Tontor honek, aldamenekoak ez bezala, haitzes osaturik dagoenez, basoaren gainetik ateratzen da eta horrek eskaintzen dio ikuspegi pribilegiatua.

Panoramika Ilarraundiko Malkorretik

Ilarraundiko Malkorra

Buzoia

Ilarraundiko Malkorra

Ilarraundiko Malkorra

Tontorreko ikuspegietaz gozatu ondoren, berriz ere mendi lepora jaitsi eta gaurkoan Larrazpilera joan ordez, itzulerako bidea hartuko dugu.

Basoan

Borda zaharretik aurrera segi eta berriz ere basoan sartuko gara.

Basoan sartu aurretik Erga

Basoan

Saia

Azkenean Aixita mendiko lepora iritsi eta handik Etxabarrira jaitsiko gara.