Mendiko osterak: Oriñon Puente de roca Ojos Negros

2024(e)ko abenduaren 4(a), asteazkena

Oriñon Puente de roca Ojos Negros

Oriñon herritik abiatuta ibilbide zirkularra Ojos Negroseko haitz zubira eta berriz ere hondartzara itzuliz. Ibilbide ederra, labarrak, hondartzak eta tontor honetatik ikusten diren paisaiak direla eta. Jaitsiera nahiko malkartsua izango da puntu batean eta horregatik ez da gomendagarria eremua bustita badago.

Ibilbidearen xehetasunak Wikilocen

Ibilbideko bideoa:

Ibilbidea eta altimetria

Ibilbidea Oriñon

altimetrian mendia nabarmentzen da

Oriñon herritik, hondartzan dagoen aparkalekutik hasiko gara ibilbide eder honekin. Udan burutzekotan hondartza ederra izango dugu bainu bat emateko. Gure kasuan udazkenean sartutak egon arren, egun berotsu bat aukeratu dugu eta honela bainuarekin amaituko dugu txangoa.

Hondartzako aparkalekua

Candina eta Salpiko mendiak aparkalekutik ikusgai

Aparkalekutik irten eta baselizarantz bideratuko gara, bertatik errepidera iristeko.

Baselizaren aurretik igaro errepidera ateratzeko

Sonabiara daraman errepidera aterako gara eta eskuinetik aurrera jarraituko dugu. Bertatik Oriñon herriko hondartzaren ikusgpegi zabala izango dugu.

Errepidera atera eta Sonabiarantz bideratu

Oriñoneko hondartza

Hondartza eta Pico Islares

Sonabriara gerturatzean, ezkerrean haitzen goiko partean Ojos Negros harri zubia segituan identifikatuko dugu.

Ojos Negros

Herrira iritsi aurretik ezkerreko partetik ageri da itzuleran etorriko garen bidea.

Pista honetatik itzuliko gara

Sonabia herrira edo auzora iritsi eta baselizara joko dugu. Baseliza hau Nuestra señora del refugio du izena, omen, XIX. mendean inguruan hondoratze batetatik salbatu ziren arrantzaleek eraiki zuten.

Baseliza

Nuestra Señora del Refugio

Zuzen jarraituko dugu baselizaren gibeletik abaitazen den bidetik.

Zuzen jarraitu

Apur bat aurrerago bidegurutze bat izango dugu eta eskuinetik hondartzarantz daraman bidea jarraituko dugu.

Tontorren ikuspegia

Valdearenas hondartzara jaitsi aurretik, eskuinetik bidexka bat hartuko dugu labarretan dagoen behatokira gerturatzeko.

Valdearenas hondartza

Ojos Negros behatokitik

Behatokitik eskuin aldera penintsula txikia ikusgai dugu ere.

Penintsula

Valdearenas hondartza

Behatokian

Labarrak eta penintsula

Behatokian

Behatokitik atzera itzuli eta Valdearenas hondartzara jaitsiko gara. Hondartza inguratu eta bertze aldean ageri den bidetik igotzen hasiko gara.

Valdearenas hondartza

Valdearenas hondartzan

Aldapan gora hasiko gara, mendi magala zeharkatzen eta altuera irabaziz.

Magaletik gorako bidean

Altuera irabaztean ikuspegi ederrak zabalduko zaizkigu, hondartza, penintsula eta labarretakoak.

Istmoa eta penintsula txikia

Punta Yesera ingurua iristean maldatik gora jarraitu beharko da pasabide natural estu batetara bideratzeko.

Pasabide naturala goian ikusgai

Ikuspegiak

Azken partean bidea estutu egiten da pasaleku naturaletik haitzen goiko partera iristeko.

Pasabide esturako bidean

Ikuspegia haitzetara gerturatzean

Pasabideko zatirik estuenean

Azkenean goiko partera iritsiko gara eta estratuen goiko aldean soro zabala izango dugu.

Goiko partera iristean

Lautadatxoak

Tartetxo bat izango dugu bertatik ikusgai diren paisaiak behatzeko. Castro Urdialeserako aldea bereziki ederra izango da.

Castro Urdiales aldera

Bero asko egiten duenez magaletik gora ekin aurretik, itzalean atsedenalditxo bat egingo dugu.

Aldapatxo bat burutzean, mendiaren bertze magalera aterako gara berriz eta Oriñon itsas adarra ikusgai izango dugu berriz.

Bertatik eskuin magaletik altuera galdu gabe aurrera jarraitu beharko dugu Ojos Negros sakonunera bideratzeko

Magaletik aurrera Ojos Negrosera

Beheko labarrak

Castro Urdiales

Ojos Negrosera iritsiko gara eta haitz zubiaren goiko partera bideratuko gara bertatik argazki batzuk egiteko.

Ojos Negroseko goiko partea

Bertatik ikuspegi ederrak dauzkagu Valdearenan hondartza aldera

Ojos Negroseko goiko partetik

Goiko aldean paratzean ez dirudi haitz zulo bat dagoenik.

Ojos Negros goiko partean

Goitik jaitsi eta haitz zuloaren barneko aldera bideratuko gara, bertatik bai ditugu ikuspegi ederrenak.

Ojos Negros

Ojos Negros haitz zubia

Bertako paisaietaz gozatu ondoren bideari ekingo diogu. Harantxora jaitsi eta ezkerretik abiatzen den bide zabaletik gora jarraituko dugu.

Bidetik gora

Bidearen estu gunea

Mendatera aterako gara eta hau gainditzean bidearen tankera ikusgai

Harriz osaturiko zubi edo egitura

Zubiaren bertze aldera igaro eta eskuin aldean dagoen tontortxo batetara igotzea erabakiko dugu.

Mendatetik eskuinerako tontortxora

Tontorretik

Panoramika

Eskuin aldean dagoen menditxora igotzeko bidea topatu beharko dugu, eta ez dago erraza

Tontorra 446 metro ditu

Tontorretik oraindik Ojos Negros ikusgai dugu.

Tontorrean

Tontorretik bide nagusira jaitsiko gara eta bertatik beherantz ekingo dugu.

Tontorra eta jaitsierako bidea

Apur bat aurrerago bide nagusia uztea erabakiko dugu eta abenturari ekingo diogu. Zuzeneko bidexkatik jarraitzea erabakiko dugu, bidea dagoela ikusirik baina erreferentzia gehiegi izan gabe.

Zuzeneko bidexkatik jarraituko dugu

Mendi lepo batetara iritsiko gara eta bertatik beheko haran batetara bideratu beharko dugu.

Mendi lepotik behera

Bidea galdu gabe haranera jaitsiko gara.

Jaitsitako eremua

Harantxotik bertze mendi lepo batetara gerturatuko gara eta hortik benetako jaitsierari ekingo diogu. Eremua oso malkartsua da eta toki batzuetan tentuz ibili beharra dago.

Mendi lepotik Sonabia

Mendi lepotik beherantz bide estutik

Haitzetara bideratuz, haitzulo txiki batetara iritsiko gara. Sekulako beroa egiten duenez, itzalean atsedena hartu beharko dugu, azken tarteari aurre egin baino lehen.

Haitzuloa

Sonabia haitzulotik

Haitzulotik

Haitzulotik jaisteko zati oso malkartsu bat dago eta eremua buztita egotekotan zailtasunak izan daitezke. Guk poliki poliki jaitsiko dugu aurreneko tartea, ez erotzeko.