Mendiko osterak: abendua 2025

2025(e)ko abenduaren 4(a), osteguna

Argiñanotik Orbantzeta zirkularra

Argiñano herrira gerturatuko gara ibilbide zirkular eder hau osatzeko. Orbantzetako trokatik Andia alderako igoera benetan berezia eta xarmaz beterikoa. 13 kilometro terdi eta 500 metrotako desnibel dun ibilbide honek Nafarroako troka bitzi honetatik Andiara gerturatuko gaitu. Itzulera pistaz egingo dugu.

Ibilbideko xehetasunak Wikilocen:

Txangoko bideoa:

Ibilbidea eta altimetria:

Ibilbidea

Altimetria

Argiñano herrian kotxea utzi eta ibilbidearekin hasiko gara udazkeneko goiz hotz baino eguzkitsu batean. Harraska bisitatzeko aukera izango dugu ibilbidea hasi aurretik edo itzuleran.

Harraska

Frontoi berezia

Herriko goiko partera bideratuko gara.

Eliza

Eraikin zahar batzuk ikusgai izango dira eta horietako batean leiho berezi hau ikusgai da.

Herriko goiko partera bideratu eta zuzen pistatik igotzen jarraitu.

Zuzen igo

Gorago bidegurutze bat izango dugu. Igoera ezkerreko pistatik egingo dugu eta jaitziera aldiz zuzenekotik.

Bidegurutzean ezkerretik igo

Apurtxo bat gehiago igo eta bertze bidegurutze batetara iritsiko gara. Oraingoan Eskuineko pistatik, edo zuzen jarraituz pista nagusia utziko dugu trokara bideratzeko.

Zuzen trokarantz

Segituan metalezko ate bat topatuko dugu. Hau gainditu eta berriz ere itxita utzi. Andian barneratuko gara hemendik aurrera.

Atea

Tartetxo hau ereindutako zelaien artean izango da. Geroago basora pasako garelarik.

Pista honek trokatxo batetara eramango gaitu eta hau gainditu eta metro gutxi geroago, eskuineko bidetik pista utzi beharko ga basotik igotzen jarraitzeko.

Pistatik trokara

Eskuinetik pista nagusia utziz igo beharko dugu.

Eskuineko bidea

Basotik eta mendi magaletik tarte bat egingo dugu Trokaren erdi aldera gerturatzeko

Orbantzeta

Haitzetara gerturatzean, apurtxo bat jaitsi beharko da trokan barneratzeko.

Orbantzeta

Trokaren hasieran arroilaren bukaera ikusgai izango da. Pareta ederrak eta altuera nabarmenekoak dira puntu honetan.

Arroilaren bukaera

Trokan barneratuko gara mendiko eskuin magaletik.

Basoan barneratuko gara eta gune hezea denez, landaredi berezia eta bereziki oparoa topatuko dugu. Bertan mikroklima berezia nabaria da.

Bidea

Andia duela 45 milioi urte baino gehiago pilatutako kareharrizko materialak menderatzea da; izan ere, eremu osoa itsaso zabal baten zati zen, eta hainbat sakonera-mailatako sedimentazio aktiboaren mende zegoen. Urbasan eta Andian material horien azaleratze ugari daude, bakarrak Europan, eta ezagutzen den erregistrorik indartsuenetako bat da, aparteko aberastasun fosiliferoa duena.

Duela gutxi, duela 2 milioi urte, sedimentuak uraren higadurak eta disolbatzaileak (jatorri karstikoa) osatzen ditu, eta banatutako lurpeko barrunbe sare trinko batetik igarotzen da.

Iturburu txiki bat

Troka estuago batetara gerturatzeko aukera izango da, bertan iturburu edo kobatxo txiki bat ikusteko.

Berriz bide nagusira jaitsi eta igotzen jarraituz, trokaren bertze aldeko paretetara gerturatuko gara. Puntu batean harrizko zoruko tarte bat izango dugu.

Troka

Altuera irabazi denez, Orbantzetako haitzak ikusgai izango dira. Goiko partetik itzultzean hau erabat ezberdin ikusiko da.

Berriz ere bide estu eta harri koskor handien bitartez jarraitu beharko da. Ezpelak goroldioz beterik ageri dira gune heze honetan.

Bidetik gora

Aurrerago berriz ere troka estutuko da eta tarterik berezienean murgilduko gara.

Orbantzeta

Bidea hormak gertu dituelarik jarraituko dugu. Batzutan ibai idor baten bidetik gora segitu beharko da eta tentuz ibili beharko da.

Gune arras estuak izango ditu ere.

Estuturiko bidea

Gorago berriz ere eremu zabalago batetara iritsiko gara. Bertan urmaeltxo txiki bat dago.

Presa naturala

Aurrera segi eta berriz ere troka estuan barneratuko gara.

Orbantzea

Momentu batean arroilatik atera beharko da bidea jarraitzeko. Eskuin aldetik haitzen goiko aldera joz.

Arroila

Gorago harri lehorreko horma baten zatia ikusgia izango da.

Berriz ere eremu zabalago batetara iritsiko gara. Bertan zuhaitzak nagusituko direlarik.

Baina hemen ere hezetasun handia dela nabari da landaredi oparoarengatik.

Tarte batez basotik bide zabaletik jarraituko dugu, baina oraindik ez da Orbanzetako troka amaitu.

Aurrerago segi eta berriz ere troka edo lapiaz bereziaren gunera iritsiko gara.

Orbantzeta

Azkenik baso eta harantxo batetara aterako gara. Bertan hesi bat topatuko dugu. Zuzen jarraitu beharko da haranetik.

Harana

Honela hesi batekin topo egin arte. Bertan eskuineko pistatik jarraitu beharko da, hesia gainditu gabe.

Hesia

Segituan pista nagusi batetara iritsiko gara. Bertan metalezko ate bat dago. Gure kasuan hau ez dugu gainditu beharko eta ezkerretik atzera jo beharko dugu.