Mendiko osterak: Bidankotzeko Azanzorena kobak eta urjauziak

2025(e)ko urtarrilaren 25(a), larunbata

Bidankotzeko Azanzorena kobak eta urjauziak

Bidankotze herriko koba aterpeetara buruturiko ibilbide laburra. Aterpeaz gain, euria egin badu, urjauzi ederrak ikusteko aukera izan daiteke txango honetan. Euriak urjauziak ikusteko aukera eskaintzen badigu ere, bidea loihaz topatzeko aukera ematen du eta puntu batzuetan tentuz ibiltzea eskatuko digu ere.

Ibilbidearen xehetasunak Wikilocen:

Azanzorenako bideoa:

Ibilbidea eta altimetria.

Ibilbidea

Altimetria

Bidankotzetik Burgirako errepidean aparkalekutxo txiki bat dago ibilbidearen hasieran. Errepidea gurutzatu eta bertze aldean izango da ibilbide labur honen hasiera.

Errepide parean aparkatu

Bertze aldetik pista bat izango dugu eta bertan informazio oholak ikusgai ditugu.

Hasiera informazio oholekin

Zutoina

Informazio oholak

Pistatik gora jarraitu eta Racas bordara iritsiko gara. Borda berrituaren gibeletik eskuin aldetik bidea jarraitu beharko da.

Racas

Eskuinetik bidea

Bideak altuera apurtxo bat irabaziko du eta segituan Azanzorenaestratoa ikusgai dago, bertan sortzen diren aterpe edo kobak eta goiko aldetik Ezker aldetik San Juan erreka eta eskuinetik bertze errekatxo bat jaisten dira eta estrato potente honekin bat egiterakoan, ura nahikoa eramaten dutenean ur jauzi ederrak sortu egiten dira.

San Juan errekatxoa eta Azanzonea ikusgai

Bideak San Juan errekatxoa lehenengoz gurutzatzera eramango gaitu.

San Juan erreka

San Juan zeharkatzen

Eremu oso hezea denez, ezpelak eta bertze zuhaitz eta zuhaizkak goroldioz betetak topatuko ditugu.

Goroldioak zuhaitzak inguratzen

Aurrerago jarraitu eta bi errekak elkatzen diren puntuan berriz ere bertze aldera igaro beharko da.

Erreka berriz zeharkatu

Puntu honetan bidegurutze bat izango dugu. Azanzorenar kobetara joateko ezkerretik edo eta berze eremuan dauden bertze kobetara joateko aukera.

Zutoina

Guk ezkerretik joko dugu aurrenekoz, Azanzorena eta San Juan erreka aldera, bertan ur jauzi nagusia eta aterpe edo koba ezberdinetatik igarotzeko.

Urjauzi nagusia

Urjauziaren xehetasuna

San Juan errekako urjauzia

Erreka zeharkatu eta ezkerretik kobetara igotzeko bidexkatik jarraituko dugu.

Ezkerretik kobetara igotzeko

Segituan Azanzorenako aurreneko aterpe edo kobara iritsiko gara. Estrato nagusiaren azpiko aldera hain zuzen ere.

Azanzorenako aterpea

Azanzorena

Estratoaren azpitik koba edo aterpea zabaldu egiten da eta bertatik aurrera egiteko aukera dago.

Azanzorena

Kobetatik aurrera jarraituz urjauziaren aldera gerturatuko gara.

Koba

Aterpe edo koba ezberdinetatik igaroko gara urjauzira iritsi arte eta bere gibeletik igarotzeko beta izango da.

Azanzorena

Urjauzira iritsi eta hau atzetik ikusteko aukera dugu.

Ur-jauzia

Urjauzia

Azanzorena

Urjauziaren gibeletik igaro eta ondoren jarraituko dugun bidea ikusgai dago.

Azanzorena

Urjauzia

Gune honetan kobako atzeko partera igotzeko bidexka bat dago eta bertatik urjauziaren gibeletik harana osorik ikusteko aukera dago.

Azanzorena

Urjauzia

Toki honetatik zenbait argazki egin ondoren beherat jaitsi eta estratotik edo kobetatik bidexka batetatik apurtxo bat jaitsiko gara bidegurutze bat topatu arte.

Azanzorena

Bertatik apur bat gora jarraituko dugu estratoaren azpira berriz igotzeko eta handik jarraitzeko. Honela bertze errekak sortzen duen urjauzira eta kobak bisitatzeko.