Munarriz Elimendi zirkularra raketaz

Munarriz herritik abiaturik ibilbide zirkularra elurte eder batekin raketaz burutua. Elimendira igota eta Andiako zenbait aintzira eta borda zaharrak bisitatuz. Benetan zoragarria, bakarrik burutu izana nekagarriagoa izan arren, paisai elurteetan gehiago gozatzeko aukerarekin.

Ibilbidearen xehetasunak Wikilocen:

Powered by Wikiloc

Ibilbideko bideoa:

Ibilbidea eta altimetria

Ibilbide zirkularra Munarrizetik

Altimetria

Munarriz herrira kotxez iritsi eta herriaren sarreran aparkatzeko tokitxo bat topatu izanik, bertan gelditu eta botak eta raketak atera, arropa nahikoa paratu eta ibilbidearekin hasiko naiz.

Munarriz

Karrika batetatik plazarantz bideratuko naiz eta bertan iturria guztiz hormaturik topatuko dut. Eguneko tenperaturaren isla izango dut lekuko hau.

Iturria

Aldameneko kaletik abiatzen den pista hartuko dut Elimendi aldera gerturatzeko eta herritik irteteko.

Pistatik herritik irteteko

Soro eta landa eremuen artean darama pista jarraituko dut. Aurreneko zatian traktore batek egindako ildoa jarraitzerik izango dut.

Pista

Soro ezberdinak elurrez beterik eta geruza lau bat osatzen dute, animalien urrats ezberdinak nabarmentzen direlarik.

Momentu batean metalezko ate batetara iritsiko naiz. Hau gainditu eta pistatik zuzen jarraitu beharko dut.

Atea

Zoilogaina

Apurtxo bat aurrerago bertze metalezko atea gainditu beharko da pistatik jarraitzeko.

Atea eta Elimendi

Atea eta Zoiolagaina

Elimendi

Zoiolagaina

Pistak bihurgune batetara iritsiko da non ezkerreko aldetik jarraituko dut Elimendiko magaletara iristeko.

Animalien urratsak

Bertze pista bat gaindituko dut eta Elimendiko magaletatik zuzen basorantz joko dut.

Elimendiko magalera joan

Andiarantz

Sastrakak elurrez estalirik ageri dira

Pirinioak

Basoan barneratuko naiz eta bidexka bat somatu egiten den tokitik gora jarraituko dut.

Basoan barneratzean

Basoan

Gorago, basotik irten eta bihurgune bat izango da ezkerretik Elimendira igotzeko.

Azken partean ezpelak elurrez zuriturik, egitura bereziak eskaintzen dituzte.

Azken aldapa hau egin eta segituan tontor zabalera iritsiko gara.

Tontorretik ikuspegi zabalak dira, bira osoa eman daiteke mendiak ikusten, Ebroko haranetik, Andia eta Pirinioetara.

Pirinioak

Hodeiak frontearen sarrera erakusten dute

Sarbil eta Pirinioak gibelean

Panoramika Elimenditik

Panoramika Elimenditik

Pirinioak

Pirinioak

Elimenditik bide beretik jaitsiko naiz eta oraingoan pista ezkerretik jarraituko dut Andian barneratzeko. Segituan metalezko ate bat dago, hau gainditu eta pistatik segi.

Atea

Handik gutxira aterpe eder bat dago, baina gaurkoan pistatik jarriatuko dut.

Aterpea

Pistatik jarraituz bertze metalezko ate batetara iritsiko naiz. Bertan bidegurutze bat dagoen arren, gaurkoan atea gainditu eta Andian barneratuko naiz. Hemendik aurrerako bidea zapaldu gabe dago, hots, inork ez da hemendik pasa azken egunetan.

Atea eta zuzen segi.

Otsaurka mendian elur erlaitzak ikusgai

Xehetasuna

Bidegurutze batetara iritsi eta zuzen jarraituko dut baltsa ezberdinetara iristeko.

Bidegurutzean zuzen segi

Aurrerago aska batetara iritsiko gara. Bertako ura gorago dagoen baltsatik jasotzen da.

Aska

Metro gutxi batzuk ibili eta metalezko bertze ate bat dago. Hau gainditu harantxotik jarraitzeko eta baltsara gerturatzeko.

Atea

Baltsa

Metro batzuk aurrerago bertze hormaturiko baltsa dago. Gaurkoan benetan ederrak daudela hormaturik eta elurrak zuritu dituelarik.

Bertze baltsa

Berriz bertze aska bat izango dugu eta eskuinera azkeneko baltsa. Kontutan izan honetan ura ateratzen dela eta Andia paisai karstikoa izanik ez dituela halako askorik.

Aska

Azkeneko baltsara gerturatuko naiz argazki baten bat egitera eta ondoren pistara berriz ere jaitsi eta harantxotik igotzen jarraitu beharko da.

Urmaela

Tartetxo batez harantxoa estutu egiten da eta berriz ere zabaltzean borda zaharretara iritsiko naiz. Ingiriko troka honetako borden aurrien artean berezia den bat dugu, gainera zahar berritua. Borda zirkularra da.

Bordak

Borda zahar hauen inguruan historiaurreko aurriak daude, Ingiriko protillua eta Sangein etxolenak hain zuzen ere.

Barruko xehetasuna

Berriz ere Ingiriko trokara atera eta metro gutxi batzuk igotzean, eskuinetik bertze borda zaharretarantz jo beharko dugu, trokatik ateraz.

Eskuinetik borden aurrierantz

Bordak

El Pelotoneko Borden artetik bide zabal bat gorantz doa. Bertatik igotzen jarraitu beharko da.

Gorago metalezko ate batetara iritsiko naiz. Hau gainditu eta pistatik igotzen jarraitu.

Atea

Pistak Urdanegi aldera eramango nau, poliki poliki berriz ere altuera irabazten delarik. Bidegurutze batetara iritsiko naiz. Eskuin aldetik tontorrera gerturatu eta berriz ere pistatik jaisten hasiko naiz.

Urdanegi

Metalezko atera iritsi eta pistatik zuzen jaisten jarraitu.

Atea

Pista honetatik traktorez ibili izan dira eta berez ez naiz elurretan horrenbeste sartuko. 

Beherago bertze bidegurutze bat dago. Ezkerreko pistatik jaisten jarraitu beharko da.

Ezkerreko pistatik

Azienda inguru honetan dagoenez, traktoreekin belarra igo egin diete.

Beherago bertze ate edo langa bat izango da pistan.

Eta aldamenean oroigarri bat. Gaurkoan aproposa kartelean ageri dena irakurtzeko.

Oroigarria

Pista jarraitu eta Munarrizera iritsiko naiz. Oraingoan eliza bisitatuz.