Gerendiain Alto de la Cruz eta Santa Cruz zirkularra

Gerendiain herritik buruturiko ibilbide zirkularra Alto de la Cruz eta Santa Cruz mendietatik igarota. Eremu ez soberan ezaguna, bereziki Iruñatik horren gertu egonda. Baina inguruetan mendi altuagoak direnez ez da jende gehiegirik ibiltzen. 10 kilometro pasatxo eta 650 metroko desnibela baina apurtxo bat gehiagokoa.

Ibilbidearen xehetasunak Wikilocen:

Powered by Wikiloc

Ibilbideko bideoa:

Ibilbidea eta altimetria.

Gerendiain herritik irten

Altimetria

Gerendiain herrian izango dugu gaurko txangoaren abiapuntua. Alaitzeko mendi zerrako mendi txikietara eta ez horren ezagunak bisitatzeko. Ipar magaletik ibiliko garenez, landaredia nahiko oparoa izango da troketan eta basoan barneratzen garelarik.

Gerendiain herria

Kotxea utzi eta eliza bisitatzera abiatuko naiz, aldapan gora hasi aurretik.

Eliza

San Juan Bataiatzaile

San Juan Bataiatzailearen parrokia. Herriaren goialdean Erdi Aroko tenplua dago, oinplanoaren eta bataiarri zaharraren aztarnak direla eta. Aro Modernoan adreilua handitu egin zen, eta horrek eragina izan zuen eraikin osoan, ate nagusia babesten duen kanpoko arkupe batekin. Parrokiak habearte bakarra du, hiru atal eta burualde zirkularra, arku fajoiez eutsitako kanoi-ganga batez estalia. Elizaren barruan, San Joan Bataiatzaileari eskainitako erretaula barrokoa dago, herriko zaindaria, XVII. mendeko Biblia eta Santuen taulak dituena. Pintura modernoko erdiko horma-atala mahatsondoz eta panpanoz apaindutako bi zutabe salomondarrez inguratuta dago, Orizko erretaularen estilo berekoak. Errematea: erdian Gurutziltzatua duten bi armarri.

Hilarria

Atzera egin eta herriko iturrira bideratuko naiz. Bertan goiko aldeko pistatik Donajakue bidea utzi eta eskuinetik gora bideratuz.

Iturria

Eskuinetik gora

Metro gutxi batzu aurrerago bertze bidegurutze bat dago, eskuinetik jarraitu beharko da.

Eskuineko bidetik segi

Gorago bidea estutuko da eta altuera irabazten joango naiz, landaredi oparoa topatuz.

Goroldioa

Altuera irabaztean Iruñerria eta bere lautada agitz ongi ikusteko aukera dago.

Iruñerria

Goiko partean berriz ere basoan barneratuko gara eta bidetik mendi lepo batetara iritsiko naiz, non belardi batzuk topatuko ditudan.

Mendilepoa

Basotik irtetean

Ezkerreko mendiko magaletik gora egingo dut, altuera irabazten eta aurrerago bidetxo bat topatu arte, eta handik eskuin aldetik igotzen jarraitzeko.

Magaletik mendi lepoa

Basotik gora egin beharko da mendi erpin aldetik. Altuera nahikoa irabaztean bertze magala ikusgai izango dugu, tontorrera iritsi aurretik

Irumuga alderako estratoa

Bagadigorri

Irumugako haitzak

Tontor estura iritsiko naiz. Altos de la Cruz izeneko tontorrera hain zuzen ere.

Panoramika Altos de la Cruzetik

Altos de la Cruz

Tontorrean, beheko aldean kobatxo bat ageri da. 

Kobatxo aterpea

Txikia baina bitxia.

Kobatxoa

Panoramika Altos de la Cruzetik

Irumuga eta Txanburu

Tontorretik jaisteko bide bera jarraituko dut eta mendi lepora iristean, basoan, borda baten aurriak topatuko ditut. Bere gibeletik doan bidetik jarraituko dudalarik.

Bordaren aurriak

Txantxangorria

Gorostia

Bidexka honek Bagadigorri mendiko magala inguratuz doa eta emeki emeki altuera irabaziz doa, basotik irten arte. Han hesi bat topatuko dut. Hau gainditu eta segituan Santa Cruz mendiko aurren tontorrera iritsiko naiz.

Hesia gainditu

Santa Cruz mendia ez du buzoirik eta harri pilatu batzuk ageri dira bertan.

Santa Cruz mendia

Bertatik eta atzera begira Altos de la Cruz mendia ikusgai dago eta bere gibelean Iruñerria.

Altos de la Cruz

Xehetasuna

Panoramika Santa Cruzetik

Aurrera jarraitu eta eskuin aldean hesia topatuko dugu eta bertan bertze aldera igarotzeko ataka ere.

Ataka

Hesiaren bertze aldetik jarraitu eta tontor nagusira iristean berriz gainditu tontorrera gerturatzeko.

Tontorreko hesia

Santa Cruz

Tontorretik berriz hesira joan eta hau gainditurik, bere paretik jaisten doan bidexka jarraitu beharko da mendi lepora iritsi arte.

Mendi lepoa

Mendi lepoan, ezkerretatik jaisten jarraitu beharko da. Segituan heistarien aterpetxo bate topatuko dut.

Aterpetxoa

Eta metro gutxi batzuk ibiliz, tentuz egon, ezkerreko bidea hartu beharko dugulako Errekazar trokan barneratzeko.

Ezkerretik jaitsi bidegurutzean

Beherago Errekazarren iturburura iritsi eta aurrera jarraitu beharko da. Euri asko egin izan badu, kontuz bidearen zati hau lohiz beterik egon daitekelako.

Errekazar iturburua

Beheko partean bidea pista batekin bat egingo du. Oraingoan eskuin aldetik jaisten jarraitu beharko da.

Pistatik eskuinerantz

Eta segituan bertze pista batekin elkartuko da. Zuzen jarriatu.

Zuzen

Txoritxoa

Pista zabaltzen doa eta aurrerago arroila batetara gerturatuko da. Bertan ezker aldetik eta trokatik baztertuz, goiko aldera bideratuko gaitu, mendiaren bertze magaletik jaisteko.

Behatokia trokatik baztertzean

Irumugako haitzak

Pistatik jaisten jarraituko dugu bihurgune honetaraino, bertan Donajakue bidearekin bat egingo dugu eta ezkerretik jarraitu beharko da.

Ezkerretik Donajakue bidea jarraituz

Aurrerago borda zahar baten aurrien aurretik igaroko gara eta handik Gerendiain herrira iritsiko gara.

Bordaren aurriak