Asputz zirkularra

Aspurtzera gerturatuko gara Santa Colomako arroila burutzeko asmoz baina ehiztariek bertan ari direnez ezin izango dugu ibilbide hori osatu eta eskuin aldera jo beharko dugu Peña Zarnbulu igotzeko eta ibilbide zirkular batean Aspurtz herrira jaisteko. 5 km baino laburragoa den ibilbidea.

Ibilbidea eta altimetria.

Ibilbide laburra

Altimetria

Santa Colomako aparkalekuan kotxea utzi eta ibiltzen hasi. Santa Colomako arroilan barna ibilbidea egiteko asmoz aterako gara kotxetik.

Aparkalekuan  pista bat ateratzen da eskuin aldetik eta horretatik abiatuko gara.

Aparkalekua eta bidea

Gorago hesi bat gainditu beharko da pistatik jarraitu ahal izateko. Zuzen segi.

Hesia

Aurreneko bihurgunean ezkerretik igotzen jarraitu beharko da pinadian barneratu gabe.

Ezkerretik

Altuera irabaztean Pirinioak ikusgai izango dira. Gainera elurturik daudenez oraindik ikusgarriagoak ageriko dira bide gehienean zehar.

Pirinioak

Pirinioak

Pistatik mendi lepotxo batetara iritsiko gara. Gure asmoa, zuzeneko bidetik jaistea zen baina ehiztariekin topo egin dugu puntu honetan eta aipatu egin digute basurdeen batida bat burutzen ari direla eta alde honetara etortzekoak direla, berez ezin izango dugu gure txangoarekin jarraitu.

Mendi lepoa

Idokorri

Beraz momentuan berean plan aldaketa eta eskuinetik doan pistatxo batetik jarraitzea erabaki dugu, soberan argi bidea izan gabe, baina Asputz herriaren inguruetara jaisteko aukera izango dugula argi izanik. Mendi erpinetik jarraitu eta badakigu gerora Santa Colomaren hasiera aldera herritik pista bat doala, hortaz nonbaiten ardibide edo pistarekin bat egingo dugu.

Pirinioak

Mendi ertzetik gora jarraituko dugu eta tontortxo batzuetara gerturatzeko pistatik aterako gara eta horietariko batzutan bidea arras itxita topatuko dugu, errate baterako Peña Zaranbulura iristeko.

Aurreneko tontortxo batera gerturatuko gara Idokorri aldea ikusteko, baina tontorretik ez dago ikuspegi zabalegirik.

Tontorra

Idokorri

Beheko aldean Aspurtz herria ikusgai.

Aspurtz 

Peña Zaranburlura iritsiko gara, zenbait komerien ostean. Bidea itxi egiten da eta tontorreko haitzen artetik igotzeko aukera topatuko dugu. Bertatik ere jaitsiko gara pistara.

Peña Zaranburlu

Peña Zaranburlutik San Quirico

Peña Zaranburlu

Jaitsieran ezpelen artean tximeleta bat topatuko dugu eta tartea izango dugu argazkiak egiteko ere.

Tximeleta

Tximeleta

Pirinioak

Mendi ertzetik aurrera jarraituko dugu eta toki honetan haitz handitxo bat topatuko dugu, lurrean botata, non gurutze bat ageri den.

Gurutzea

Handik apurtxo bat jaitsi eta bertze muino batetara igo beharko dugu ondoren zuzenean pistara jaisteko.

Pirinioak

Pirinioak

Pirinioak

Bidea ezpelen eta bertze sastraken artetik doan arren, ez da zaila izango jarraitzeko.

Bidexkan

Azkenean mendi lepotxo batean abelbidetxo edo pistatxo batekin bat egingo dugu. Eskuinetik herrirantz jaisten jarraituko dugularik.

Pistatik eskuinera

Abelbidetik beherantz

Haranera iritsiko gara eta errekara iritsi aurretik hesi bat topatuko dugu. Hau gainditu eta zubi batetarantz bideratuko gara eskuin aldetik.

Hesia

Cerrancanoko errekatik Aspurtz herria altu batean toki estrategikoan ikusgai da.

Bertze sarrera batean Independentzia gerran bertan emandako gatazkaren inguruko informazioa eman nuen. IRAKURGAI: https://mendikosterak.blogspot.com/2024/12/idokorri-santa-colomatik-zirkularra.html

Aspurtz

Zubitik bertze ertzera igaro eta bertatik herrira igotzeko bidea izango dugu.

Zubian

Cerrancano

Cerrancano

Cerrancano

Herrira igo eta eskuinetik herrira zeharkatzeko karrikak topatuko ditugu.

Eskuinetik

Bidea herrira iristean

Harraska bisitatuko dugu.

Harraska 

Harraska 

Eta handik eliza bisitatzera joango gara.

Eliza

Eliza

Herriaren bukaeran, puntu altuenaren eskuinetik beherantz doan bide zaharra hartuko dugu errepidera jaisteko.

Errepidetik eskuinerantz

Eta errepidetik aparkalekura iritsiko gara.