Goñitik Trekua Zirkularra

Urteko aurren egunean goizean buruturiko ibilbidea Goñitik Trekua mendira zirkularra. 7 km pasatxo eta 350 metrotako desnibel duen ibilbide honetan zehar basoak eta Andiako ikuspegi zabalak izango ditugu, Iruñerria eta Pirinioaz gain.

Ibilbideko xehetasunak Wikilocen:

Ibilbideko bideoa:

Powered by Wikiloc

Ibilbidea eta altimetria

Treku altimetria

Desnibela

Goñi herrira gerturatu eta pistatik apurtxo batez kotxearekin igoko gara, ibilbidea bertatik hasteko eta ia puntu berean biribila osatzeko.

Pistaren bazterrean kotxea utzi

Egun eguzkitsu eta hotz honetan ilargia lagun izango dugu igoeraren hasierako partean.

Ilargia

San Miguel baselizara daraman errepide zaharretik gora joan beharko dugu aurreneko zati honetan.

Goiko bihurgunean, Baselizara joan ordez, zuzenean basotik barneratuko gara.

Bihurgunean pista utzi eta zuzen

Basotik mendi lepotxo batetara hurbilduko gara.

Mendi leporantz

Elordiko baltsara iritsi aurretik hesi bar gainditu beharko dugu.

Hesia

Iturrizabal aldera gerturatu eta bertan dagoen bidexkatik gora jarraituko dugu basotik ateratzeko.

Pistara atera eta eskuinetik gora joko dugu Goñiko Trekua trikuharrira arte.

Goñiko Trekua trikuharria

Bertatik atakara joango gara hesia gainditzeko eta gerora eskuinetik Arrasaundi eta Elordi mendien arteko lepora igotzeko.

Goñiko Trekua trikuharria

Goñiko Trekua trikuharria

Hesia

Pirinioak

Elordi mendiko lepora iritsi eta hesia gainditu gabe, eskuinetik mendi erpinetik gora jarraituko dugu.

Elordiko mendi-lepoa

Beriain

Arrasaundirantz joko dugu mendi erpinetik.

Arrasaundirantz

Pirinioak

Andia

Arrasaundi

Arrasunditik aurrera segi eta Goñiko Gainetako bertze tontortxo batetatik igaroko gara.

Goñiko Gainak

Beriain

Goñiko Gaineko bordak

Ikuspegi ederrak eta garbiak ditugu gaurkoan bai Iruñerrira eta Pirinio aldera baita Andiarantz ere.

Bordak eta Pirinioak

Hesia gainditu gabe Treku mendira bideratuko gara.

Treku

Treku

Panoramikak Trekun

Panoramikak Trekun

Panoramikak Trekun

Tontorrean haize nahikoa dabilenez, hesiaren aldamenetik borden aldera jaisten hasiko gara.

Hesitik bordetarantz

Bordetara iritsi eta horma baten aldamenean, eguzkitan eta haizerik gabe, hamarretakoa hartzeko momentu aproposa izango dugu.

Hamarretakoa

Borden aurriak

Borden aurriak

Pirinioak

Borda zirkular baten aurriak

Hamarretakoaren ostean, mendi erpinetik beherantz joko dugu.

Puntu honetan eskuinetik desbideratu beharko dugu basoan barneratzeko.

Eskuinetik basorantz

Basorantz

Basoan haizez babesturik lasaiago ibiltzerik izango dugu.

Puntu batean leze batetara hurbilduko gara.

Lezea

Sima

Jaisten jarraitu eta bidea zabalago bilakatuko da. Bertze borda batzuen aurritik igaroko garelarik.

Azkenik bidegurutze batetara iritsiko gara eta oraingoan eskuineko aldetik aparkalekurantz bideratuko gara.

Eskuinetik

Metalezko atea gainditu eta segituan Baselizara igotzen den errepide zaharrera aterako gara.

Metalezko atea